2 Kroniklys 32:31 - An Bibel Kernewek 20234 (Kernewek Kemmyn)

³¹ Yndella yn kas kannasow ledyoryon Babylon ynwedh, an re a veu dannvenys dhodho rag govynn orto a-dro dhe'n marathus re bia gwrys y'n tir, Duw a'n gasas y honan oll rag y brevi ha rag godhvos oll esa yn y golonn.

2 Kroniklys 32:31 ပူးပေါင်းရင်းမြစ်များ

Jenesis 22:1

Ha wosa an hwarvosow ma Duw a brovas Abraham ha leverel dhodho, ‘Abraham!’ Hag yn-medh ev, ‘Awottavy.’

2 Kroniklys 32:24

Y'n dydhyow na gyllys klav o Hezekia hag ev a veu yn eneworres. Ev a bysis dhe'n Arloedh, hag ev a worthybis dhodho hag a ros dhodho tokyn.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

2 Kroniklys 32:32

Gweythresow erell Hezekia, ha'y oberow a dregeredh, yw skrifys yn gwelesigeth an profoes Ysay mab Amos yn Lyver Myghternedh Yuda hag Ysrael.

Salmow 27:9

Na gudh dha fas ragov; na dowl dha was dhe-ves yn sorr. Ty re beu ow gweres. Na wra ow gasa na forsakya, A Dhuw ow selwyans.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Yowann 15:5

My yw an gwinbrenn, hwi an skorrennow. Neb a drig ynnov vy ha my ynno ev, ev a dheg meur a frut, rag hebov vy, ny yllowgh gul travyth.

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Jamys 1:13

Na leveres denvyth a vo prevys, ‘Gans Duw prevys ov vy’; rag ny yll Duw bos prevys gans drog, ha ny brev ev y honan denvyth.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

Breusysi 16:20

Ena hi a leveris, ‘Ottensi an Filistysi warnas, Samson!’ Pan dhifunas ev a dybis, ‘My a wra mos yn-mes par dell wren yn prysyow erell hag omshakya rydh.’ Mes ny wodhya y hwrussa an Arloedh y asa.