2 Kroniklys 32:21 - An Bibel Kernewek 20234 (Kernewek Kemmyn)

²¹ Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

2 Kroniklys 32:21 ပူးပေါင်းရင်းမြစ်များ

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

2 Myghternedh 19:20

Ena Ysay mab Amos a dhannvonas dhe Hezekia, ow leverel, ‘Yndellma y lever an Arloedh, Duw Ysrael: My re glewas dha bysadow dhymm a-dro dhe Sennagherib myghtern Assyria.

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

2 Kroniklys 32:22

Yndella an Arloedh a sawyas Hezekia ha trigoryon Yerusalem a leuv Sennagherib myghtern Assyria hag a leuv oll y eskerens; ev a ros dhedha powes a bub tu

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Salmow 132:18

Y eskerens my a wisk gans meth, mes warnodho y fydh y gurun ow splanna.’

Salmow 18:50

Ev a re selwyans meur dh'y vyghtern, hag a wra tregeredh dh'y Untys, dhe Davydh ha dh'y has bys vykken.

Salmow 44:15

Oll an jydh yma ow disenor a-dheragov, ha meth ow fas re'm kudhas,

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Salmow 76:5

An re golonnek o pyllys; i a goedhas yn kosk; ny wodhya nagonan a'n vreselyoryon gul devnydh a'y dhiwleuv.

Salmow 76:6

Orth dha geredh, A Dhuw Yakob, an charett ha'n margh a goedhas yn kosk poes.

Salmow 76:7

Ty, ty yw euthyk; ha piw a sev a-dheragos pan osta serrys?

Lavarow Koth 11:2

Pan dheu goeth, ena y teu meth, mes gans tus uvel yma furneth.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Ysay 10:8

Rag yn-medh ev, ‘A nyns yw oll ow fennsevigyon myghternedh?

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 36:9

Fatell yllydh treylya dhe-ves fas unn soedhek yn mysk an lyha a servysi ow arloedh, ha ty ow fydhya yn Ejyp rag charettow ha marghogyon?

Ysay 37:21

Ena Ysay mab Amos a dhannvonas dhe Hezekia, ow leverel, ‘Yndellma y lever an Arloedh, Duw Ysrael: Rag ty dhe bysi warnav a-dro dhe Sennagherib, myghtern Assyria,

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.