2 Kroniklys 32:17 - An Bibel Kernewek 20234 (Kernewek Kemmyn)

¹⁷ Ev a skrifas lytherow ynwedh ow tespitya an Arloedh, Duw Ysrael, ow leverel, ‘Par dell na allas duwow kenedhlow erell delivra aga fobel a'm diwleuv, yndella ny dhelirv Duw Hezekia y bobel a'm leuv.’

2 Kroniklys 32:17 ပူးပေါင်းရင်းမြစ်များ

Ysay 37:14

Hezekia a gemmeras an lyther a leuv an kannasow, ha'y redya. Ena Hezekia eth yn-bann dhe ji an Arloedh ha'y lesa a-dherag an Arloedh.

2 Myghternedh 19:12

A wrug duwow an kenedhlow aga delivra, an kenedhlow a wrug ow thasow aga distrui, Gozan, Haran, Resef, ha mebyon Eden esa yn Telassar?

Diskwedhyans 13:6

Hag ev a igoras y anow yn blasfemiow erbynn Duw dhe vlasfemya y hanow ha'y dabernakel, ha'n re a drig yn nev.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Nehemia 6:5

Ena Sanballat a dhannvonas y servont dhymm yn kepar maner rag an pympes gweyth gans lyther igor yn y leuv.

2 Myghternedh 19:28

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

2 Myghternedh 19:22

‘Piw a skornsys ha milliga? Piw yth trehevsys dha lev er y bynn ha drehevel dha dhewlagas yn woethus? Erbynn an Sans a Ysrael!

2 Myghternedh 19:14

Hezekia a gemmeras an lyther dhiworth leuv an kannasow ha'y redya; ena Hezekia eth yn-bann dhe ji Arloedh ha'y lesa a-rag an Arloedh.

2 Myghternedh 19:9

An myghtern a glewas y teuth Tirhaka myghtern Kush yn-mes dhe vatalyas orto. Ytho ev a dhannvonas kannasow dhe Hezekia arta, ow leverel,

2 Kroniklys 32:14

Piw yn mysk oll duwow an kenedhlow a wrug ow thasow aga howldhiswul, a ylli sawya y bobel a'm leuv? Pyseul dhe le y hyll agas Duw agas sawya a'm leuv?

2 Kroniklys 32:16

Y wesyon a leveris moy erbynn an Arloedh Duw hag erbynn y was Hezekia.

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

2 Myghternedh 19:11

Ty re glewas an pyth re wrug myghternedh Assyria dhe oll an powyow, orth aga leun dhistrui. Ha ty, a vydhydh delivrys?