2 Kroniklys 32:11 - An Bibel Kernewek 20234 (Kernewek Kemmyn)

¹¹ A ny'gas toell Hezekia, orth agas ri dhe verwel gans divoetter ha syghes, pan lever ev, “An Arloedh agan Duw a'gan saw a leuv myghtern Assyria?”

2 Kroniklys 32:11 ပူးပေါင်းရင်းမြစ်များ

2 Myghternedh 18:27

Mes an Rabshake a leveris dhedha, ‘A wrug ow mester ow dannvon dhe gewsel an geryow ma dhe'th vester ha dhis? A ny'm dannvonas dhe'n wer a esedh war an fos, tenkys dhe dhybri aga hawgh aga honan hag eva aga urin aga honan?’

2 Myghternedh 18:30

Na esewgh Hezekia dhe wul dhywgh trestya y'n Arloedh ow leverel, An Arloedh a wra agan delivra yn sur, ha ny vydh an sita ma res yn leuv myghtern Assyria.”

2 Myghternedh 19:10

‘Kewsewgh yndellma dhe Hezekia myghtern Yuda: Na wres dha Dhuw a drestydh ynno dha doella, owth ambosa na vydh Yerusalem res yn leuv myghtern Assyria.

2 Kroniklys 32:10

‘Yndella y lever Sennagherib myghtern Assyria: Pyth yw an dra mayth esowgh ow trestya warnodho, y hyllowgh perthi esedhva a-dro dhe Yerusalem?

2 Kroniklys 32:12

A ny gemmeras Hezekia y honan dhe-ves y dylleryow ughel ha'y alteryow, hag a worhemmynnis dhe Yuda ha Yerusalem, ow leverel, “A-rag unn alter hwi a wra gordhya, ha warnedhi hwi a lesk offrynnow”?

2 Kroniklys 32:15

Lemmyn ytho na esewgh Hezekia dh'agas toella na'gas kammledya yndella. Na drestyewgh ynno, rag ny allas duw vytholl a genedhel bynag na ruvaneth bynag sawya y bobel a'm leuv na a leuv ow thasow. Pyseul dhe le y hwra agas Duw a'gas sawya hwi yn-mes a'm leuv!’

Salmow 22:8

‘Trest y'n Arloedh ma'n deliffro. Gwres ev y dhelivra, rag ev a'n jeves delit ynno.’

Salmow 3:2

lies yns i neb a lever a'm enev, ‘Nyns eus gweres ragdho yn Duw.’ Sela.

Salmow 42:10

Ha'm eskern ow pos brewys, ow eskerens a'm skorn, ow leverel dhymm oll an jydh, ‘Ple'ma dha Dhuw?’

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Ysay 36:12

Mes yn-medh an Rabshake, ‘A wrug ow arloedh ow dannvon dhe gewsel an geryow ma dhe'th arloedh ha dhiso jy, a-der dhe'n wer usi owth esedha war an fos, yw destnys genowgh hwi dhe dhybri aga hawgh hag eva aga urin?’

Ysay 36:18

Na esewgh Hezekia dh'agas toella, ow leverel, An Arloedh a wra agan delivra. A wrug duw vytholl a'n kenedhlow delivra y dir rag leuv myghtern Assyria?

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’