2 Kroniklys 32:1 - An Bibel Kernewek 20234 (Kernewek Kemmyn)

¹ War-lergh an traow ma ha'n gweythresow a lelduri, Sennagherib myghtern Assyria a dheuth hag omsettya orth Yuda, hag ev a gampyas erbynn an sitys kerys, ow tybi y's synsi ragdho y honan.

2 Kroniklys 32:1 ပူးပေါင်းရင်းမြစ်များ

2 Myghternedh 15:19

Ha Pul myghtern Assyria a dheuth erbynn an tir; Menahem a ros dhe Pul deg mil dalent a arghans, may halla ev y weres ow fastya y dhalghenn war a'n ruvaneth.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 18:11

Myghtern Assyria a dhug Ysrael dhe-ves bys yn Assyria ha'ga gorra yn Halagh ha ryb an avon Habor yn Gozan, hag yn sitys an Medys,

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

2 Kroniklys 32:2

Pan welas Hezekia Sennagherib dhe dhos, hag ev dhe ervira dhe omladh erbynn Yerusalem,

2 Kroniklys 35:20

Wosa oll hemma, pan wrussa Yosia pareusi an tempel, Neko myghtern Ejyp eth yn-bann rag batalyas yn Karkemish war an Ewfrates, ha Yosia eth yn-mes er y bynn.

Ysay 10:32

Poran an jydh ma ev a worta yn Nob ha shakya y dhorn erbynn menydh myrgh Sion, erbynn brenn Yerusalem.

Ysay 36:1

Y'n peswardhegves blydhen a reyn Hezekia, Sennagherib, myghtern Assyria a dheuth yn-bann erbynn oll an trevow kerys a Yuda, ha settya dalghenn ynna.

Ysay 37:37

Ena Sennagherib myghtern Assyria a omdennas, mos tre ha triga yn Nineve.

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Mika 2:13

Ev neb a derr an aswa, yskynna a-dheragdha a wra; i a derr der an aswa ha tremena der an yet, ha mos yn-mes dredhi. Aga myghtern a dremen a-dheragdha, an Arloedh orth aga fenn.