2 Kroniklys 31:14 - An Bibel Kernewek 20234 (Kernewek Kemmyn)

¹⁴ Kore mab Ymna an Levyas, gwithyas yet an howldrevel, a'n jevo charj a'n rohow bolonjedhek res dhe Dhuw, rag kevrenna an kevro gwrys dhe'n Arloedh ha'n offrynnow an moyha sans.

2 Kroniklys 31:14 ပူးပေါင်းရင်းမြစ်များ

Jenesis 46:17

Mebyon Asher: Yimna, Yshva, Yshvi ha Beria, ha Seragh aga hwoer. Ha mebyon Beria: Heber ha Malkiel.

1 Kroniklys 26:12

An rannow ma a'n borthoryon, henwys war-lergh aga fennow, a's tevo deverow, kepar dell wrug aga breder, ow menystra yn chi an Arloedh.

1 Kroniklys 26:14

An prenn rag an howldrevel a goedhas dhe Shelemia. I a dewlis prenn ynwedh rag y vab Zekaria, kusulyer doeth, ha'y brenn a dheuth yn-mes rag an gledhbarth.

1 Kroniklys 26:17

Pub dydh yth esa hwegh Levyas y'n howldrevel, peswar y'n gledhbarth, peswar war an dhyghowbarth, keffrys ha dew orth pub gwithva;

2 Kroniklys 31:13

Yehiel, Azazia. Nahath, Asahel, Yerimoth, Yozabad, Eliel, Ysmakia, Mahath ha Benaya o gorwoelysi ow kweres Konania ha Shimei y vroder, apoyntys gans Hezekia an myghtern hag Azaria, pennsoedhek chi Duw.

2 Kroniklys 31:15

Yth esa Eden, Minyamin, Yeshua, Shemaia, Amaria, ha Shekania orth y weres yn lel, yn sitys an oferysi, rag dyllo an kevrennow dh'aga breder, yowynk ha hen, herwydh an rannow.

Ezra 1:4

Ha pub treusvewer yn pub tyller may ma trigys, re'n gweresso gwer y dyller gans arghans, ha gans owr, ha gans gwara, ha gans chatel, war-barth gans an offrynnow bolonjedhek rag chi Duw usi yn Yerusalem.’

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Ezra 7:16

hag oll an arghans ha'n owr a yllydh aga huntell yn rannvro Babylon oll, gans offrynnow bolonjedhek an bobel ha'n oferysi, ambosys a-vodh rag chi aga Duw usi yn Yerusalem.

Nehemia 13:13

Ha my a apoyntyas avel tresoryoryon yn charj a'n gwithvaow Shelemia an oferyas, Sadok an skriba, ha Pedaya a'n Levysi, hag avel aga gwereser Hanan mab Zakkur mab Mattania, rag i dhe vos akontys lel. Aga dever o lesranna proviansow dh'aga breder.

Salmow 119:108

Degemmer, A Arloedh, an offrynnow bolonjedhek a'm ganow, ha dysk dhymm dha vreusow.

Levitikus 2:10

Ha remenant an offrynn a vydh dhe Aron ha'y vebyon: tra an moyha sans a'n offrynnow gwrys dre dan dhe'n Arloedh.

Levitikus 22:18

Kows orth Aron ha'y vebyon hag orth oll mebyon Ysrael, ha leverel dhedha, Piwpynag a ji Ysrael po a'n alyons yn Ysrael a vynno offrynna aga offrynn rag oll aga ambosow ha rag oll aga offrynnow bolonjedhek, a vynnons dhe offrynna dhe'n Arloedh avel offrynn leskys,

Levitikus 23:38

war-barth gans sabotys an Arloedh, ha war-barth gans agas rohow, ha war-barth gans oll agas ambosow, ha war-barth gans oll agas offrynnow bolonjedhek dhe'n Arloedh.

Levitikus 27:28

Byttegyns, neppyth sakrys, a wra gour y sakra dhe'n Arloedh, yn-mes a bup-tra eus dhodho, a dhen, po best, po gwel a'y berghennogeth, ny vydh gwerthys na dasprenys. Pup-tra sakrys yw an moyha sans dhe'n Arloedh.

Niverow 29:39

An re ma hwi a wra offrynna dhe'n Arloedh yn agas goelyow, keffrys ha'gas ambosow ha'gas offrynnow bolonjedhek, rag agas offrynnow leskys, ha rag agas offrynnow greun, ha rag agas offrynnow diwes, ha rag agas offrynnow kres.

Dewteronomi 12:17

Ny yllydh dybri a-berth y'th yetys dega a'th ys na'th win, na'th oyl, na'n kynsa-genys a'th chatel ha'th flokk, na pynagoll a'th ambosow a ambossi na'th offrynnow bolonjedhek nag offrynn drehevys a'th leuv.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Dewteronomi 16:10

Ena ty a wra goel an seythunyow dhe'n Arloedh dha Dhuw der offrynn bolonjedhek a'th leuv, kepar dell wrug an Arloedh dha Dhuw dha venniga.