2 Kroniklys 30:8 - An Bibel Kernewek 20234 (Kernewek Kemmyn)

⁸ Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

2 Kroniklys 30:8 ပူးပေါင်းရင်းမြစ်များ

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

Eksodus 32:9

Ha'n Arloedh a leveris dhe Moyses, ‘My re welas an bobel ma, hag otta, yth yw pobel kales hy hilbenn;

Dewteronomi 10:16

Trodreghewgh ytho kudhgenn agas kolonn, na vedhewgh kales agas kilbenn namoy.

Diskwedhyans 7:15

Rakhenna, ymons i a-dherag tron Duw, hag i a'n gordh dydh ha nos yn y dempel; ev neb yw esedhys war an tron a worr y dylda warnedha.

Romanyon 10:21

Mes dhe Ysrael ev a lever, ‘Oll an jydh yth ystynnen ow diwleuv dhe bobel dhiwostydh ha gorth.’

Romanyon 6:22

Mes wosa hwi dhe vos delivrys dhiworth mernans ha devedhys ha bos kethyon dhe Dhuw, an pewas a'gas beus yw sansheans, ha'y fin yw bewnans heb diwedh.

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Salmow 78:49

Ev a dhellos warnedha y sorr fers, sorr, ha koler, hag anken, ha dannvon tebel eledh yn aga mysk.

Salmow 73:17

ernag yth vy yn sentri Duw; ena y konvedhis vy aga diwedh i.

Salmow 68:31

Pennsevigyon a dheu yn-mes a Ejyp; Ethiopia a fysk dhe ystynn hy diwleuv dhe Dhuw.

Salmow 68:24

I re welas dha geskerdh, A Dhuw, keskerdh ow Duw, ow Myghtern, y'n sentri.

Salmow 63:2

Yn kettella re viris vy orthis y'n sentri, dhe weles dha nerth ha'th wolewder.

Ezra 10:19

I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

2 Kroniklys 36:13

Ev a rebellyas ynwedh erbynn myghtern Nebukadnessar, neb re wrussa dhodho gul ti re Dhuw; ev a galeshas y gilbenn ha kaleshe y golonn erbynn treylya dhe'n Arloedh, Duw Ysrael.

2 Kroniklys 28:13

hag i a leveris dhedha, ‘Na dhrewgh an gethyon ma omma, rag ni a vydh kablus a-rag an Arloedh. A vynnowgh keworra dh'agan peghosow ha'gan kammweythresow? Rag agan kabel yw meur seulabrys, hag yma konnar fell erbynn Ysrael.’

2 Kroniklys 28:11

Lemmyn klewewgh hemma, ha daskorrewgh an gethyon re gemmersowgh dhiworth agas breder, rag yma konnar fell an Arloedh warnowgh.’

1 Kroniklys 29:24

Oll an soedhogyon ha'n gasoryon, hag ynwedh oll mebyon myghtern Davydh, a ambosas aga lelder dhe vyghtern Solomon.

2 Myghternedh 23:26

Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Dewteronomi 6:17

Gwithewgh dour gorhemmynnow an Arloedh agas Duw, ha'y dhustuniow, ha'y ordenansow a worhemmynnis dhis.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Ezra 10:14

Lemmyn gwres agan rewloryon bos yn le oll an kuntelles, ha gwres oll trigys yn agan sitys hag a gemmeras gwragedh estren dos yn termynyow apoyntys, ha gansa henavogyon ha breusysi pub sita, bys pan vo sorr fell agan Duw drefenn an mater ma treylys dhiworthyn.’

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

2 Kroniklys 6:5

“A-dhia'n jydh ynno may tres vy ow fobel yn-mes a Ejyp, ny dhewisis vy sita a oll loethow Ysrael dhe dhrehevel chi, rag may fe ow hanow ena, na ny dhewisis vy gour vyth dhe vos rewler war ow fobel Ysrael;

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.