2 Kroniklys 30:5 - An Bibel Kernewek 20234 (Kernewek Kemmyn)

⁵ I a erviras gul gwarnyans der oll Ysrael, dhiworth Beer-sheba bys yn Dan, rag may teffa an bobel ha solempnya an pask dhe'n Arloedh, Duw Ysrael, yn Yerusalem. Ny via solempnys bythkweth gans niver mar vras, herwydh rewlys an skrif.

2 Kroniklys 30:5 ပူးပေါင်းရင်းမြစ်များ

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

2 Kroniklys 24:9

Gwarnyans a veu gwrys dre Yuda oll ha dre Yerusalem may fe dres rag an Arloedh an doll a dollas Moyses gwas Duw, war Ysrael y'n gwylvos.

2 Kroniklys 30:4

An towl a heveli da dhe'n myghtern ha dhe oll an kuntelles

2 Kroniklys 35:18

Nevra ny via solempnys pask haval dhodho a-dhia dhydhyow an profoes Samuel; ny solempensa pask haval dhodho myghtern vytholl a Ysrael dell veu solempnys gans Yosia, gans an oferysi ha gans an Levysi, gans oll Ysrael esa ena, ha gans trigoryon Yerusalem.

2 Kroniklys 36:22

Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

Daniel 6:8

Lemmyn, A vyghtern, dyllo an difenn ha sin an skrifenn, rag na allo bos chanjys, herwydh lagha an Medys ha'n Persianys, na yll bos daskelwys.’

Levitikus 23:2

Kows orth mebyon Ysrael ha leverel dhedha: An re ma yw goelyow an Arloedh a wrewgh hwi deklarya dhe vos kuntellesow sans. An re ma yw ow goelyow vy.

Levitikus 23:4

An re ma yw goelyow an Arloedh, kuntellesow sans a wrewgh hwi aga deklarya yn aga thermyn.

1 Korinthianys 11:2

My a'gas kommend drefenn hwi dhe berthi kov ahanav yn pup-tra, ha dhe synsi yn fast an hengovyow par dell y's res dhywgh.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.