2 Kroniklys 30:23 - An Bibel Kernewek 20234 (Kernewek Kemmyn)

²³ Ena oll an kuntelles a assentyas war-barth dhe solempnya an goel seyth dydh pella; ytho i a'n solempnyas seyth dydh pella gans lowender.

2 Kroniklys 30:23 ပူးပေါင်းရင်းမြစ်များ

1 Myghternedh 8:65

Ytho Solomon a withas an goel y'n prys na, hag Ysrael oll ganso, kuntelles meur, a Lebo-hamath bys yn nans Ejyp, a-rag an Arloedh, seyth dydh.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

2 Kroniklys 7:9

Y'n nawves dydh i a ordenas kuntelles solem; rag i re solempnyas sakrans an alter seyth dydh ha'n goel seyth dydh.

Nehemia 8:17

Hag oll an kuntelles, an re hag a dhehwelsa dhiworth an gethneth, a wrug skovvaow ha triga ynna; rag a-dhia dhydhyow Yeshua mab Nun bys y'n jydh na ny wrussa fleghes Ysrael yndella. Ha'n lowena o pur vras.