2 Kroniklys 30:15 - An Bibel Kernewek 20234 (Kernewek Kemmyn)

¹⁵ I a ladhas oen an pask y'n peswardhegves dhydh a'n nessa mis. An oferysi ha'n Levysi a's tevo meth hag i a omsakras aga honan, hag a dhros offrynnow leskys yn chi an Arloedh.

2 Kroniklys 30:15 ပူးပေါင်းရင်းမြစ်များ

2 Kroniklys 29:15

I a guntellas aga breder hag a omsakras aga honan; ena i a entras, par dell re worhemmynnsa an myghtern, herwydh geryow an Arloedh rag glanhe chi an Arloedh.

2 Kroniklys 29:32

Niver an offrynnow leskys dres gans an kuntelles o deg tarow ha tri ugens, kans hordh, ha dew kans oen; oll an re ma o rag offrynn leskys dhe'n Arloedh.

2 Kroniklys 29:34

Mes tanow o niver an oferysi ha ny yllons kroghena oll an offrynnow leskys; ytho aga breder an Levysi a's gweresas bys pan o an ober gorfennys ha bys pan o oll an oferysi erell sakrys, rag an Levysi o moy diwysyk ages an oferysi owth omsakra aga honan.

2 Kroniklys 30:13

Lies den a dheuth war-barth yn Yerusalem dhe solempnya goel an bara heb goell y'n nessa mis, kuntelles fest bras.

2 Kroniklys 30:2

An myghtern ha'y soedhogyon hag oll an kuntelles yn Yerusalem re omgusulsa solempnya an pask y'n nessa mis.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

2 Kroniklys 30:3

Ny allsens y solempnya y'n prys ewn, rag ny wrussa myns lowr a oferysi omsakra aga honan, hag ynwedh ny omguntellsa an bobel yn Yerusalem.

2 Kroniklys 31:18

An oferysi a veu omrolys gans oll aga fleghigyow, aga gwragedh, aga mebyon ha'ga myrghes, ewn rag oll an kuntelles; rag i o lel owth omwitha aga honan sans,

2 Kroniklys 35:6

Ledhewgh oen an pask, omsakrewgh, ha pareusewgh a-barth agas breder, ow kul herwydh ger an Arloedh dre leuv Moyses.’

2 Kroniklys 5:11

An oferysi a omdennas dhiworth an tyller sans. Oll an oferysi esa ena a wrussa omsakra aga honan, heb prederi a-dro dh'aga rannow,

Ezra 6:20

An oferysi ha'n Levysi re lanhasa aga honan war-barth; i oll o glan, hag i a ladhas an pask rag oll mebyon an divroedh, ha rag aga breder an oferysi, ha ragdha aga honan.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 19:22

Hag ynwedh gas dhe'n oferysi a dheu nes dhe'n Arloedh omsakra ma na dartho an Arloedh warnedha.’

Niverow 9:11

Y'n nessa mis y'n peswardhegves dydh gorthugherweyth i a'n gwith; i a wra y dhybri gans bara heb goell hag erbys hwerow.