2 Kroniklys 30:10 - An Bibel Kernewek 20234 (Kernewek Kemmyn)

¹⁰ Yndella an boenyoryon e a sita dhe sita yn pow Efraym ha Manasse, ha maga pell avel Zebulun; mes i a's skornyas yn unn hwerthin orta, hag a wrug ges anedha.

2 Kroniklys 30:10 ပူးပေါင်းရင်းမြစ်များ

Jenesis 19:14

Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

2 Kroniklys 30:6

Yndella poenyoryon eth der oll Ysrael ha Yuda gans lytherow dhiworth an myghtern ha'y soedhogyon war-lergh gorhemmynn an myghtern ow leverel, ‘A vebyon Ysrael, dehwelewgh dhe'n Arloedh, Duw Abraham, Ysak, hag Ysrael, rag may treyllyo arta dhe'n re ahanowgh a dhienkas dhiworth leuv myghternedh Assyria.

2 Kroniklys 34:9

I a dheuth dhe Hilkia an arghoferyas, hag a ros dhodho an arghans re bia dres yn chi Duw, a guntellsa an Levysi, gwithysi an treudhow dhiworth Manasse hag Efraym ha dhiworth an remenant a Ysrael, ha dhiworth Yuda ha Benyamin, ha trigoryon Yerusalem.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 2:19

Mes pan glewas Sanballat an Horonyas, ha Tobia an gwas, an Ammonyas, ha Geshem an Arab a-dro dh'agan towlow, i a wrug ges ahanan ha'gan dispresya, ow leverel, ‘Pyth yw an dra ma esowgh hwi ow kul? Esowgh hwi ow rebellya erbynn an myghtern?’

Ester 3:13

Lytherow a veu dannvenys dre leuv poenyoryon bys yn oll rannvroyow an myghtern, dhe dhistrui, ladha ha diswul oll an Yedhewon, ha yowynk ha hen, fleghes ha benynes, yn unn jydh, y'n trydhegves dydh a'n dewdhegves mis, yw an mis Adar, ha may fe aga fythow pyllys.

Ester 3:15

An boenyoryon eth dhe-ves toeth men herwydh gorhemmynn an myghtern, ha dyllys veu an arghadow yn Shushan an bennsita. An myghtern ha Haman a esedhas rag eva; mes penndegys o an sita Shushan.

Ester 8:10

Ha skrifa a wrug ev yn hanow an myghtern Ahasuerus, ha'y selya gans bysow an myghtern, ha dannvon lytherow a wrug dre leuv kannasow war geyn margh, marghogyon owth ehwias war vergh skav, dineythys gans an kasegi ryel.

Ester 8:14

An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Job 12:4

Skornys ov gans ow howetha; kyn helwis war Dhuw hag ev a worthybis, den skornys ov, ewn ha divlam.

Job 9:25

‘Uskissa ages poenyer yw ow dydhyow; i a fi dhe-ves, ny welons dader mann.

Yeremia 38:19

Myghtern Sedekia a leveris dhe Yeremia, ‘Own a'm beus a'n Yedhewon re gilfisons dhe'n Kaldeanys, my dhe vos delivrys yn aga leuv hag i dhe'm tebeldhyghtya.’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Luk 23:35

Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’

Luk 8:53

Mes i a'n skornya, ow kodhvos hi dhe vos marow.

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

Ebrowyon 11:36

Re erell a wodhevis skorn ha skorjya, ha hwath kadonyow ha prisonyans.