2 Kroniklys 29:34 - An Bibel Kernewek 20234 (Kernewek Kemmyn)

³⁴ Mes tanow o niver an oferysi ha ny yllons kroghena oll an offrynnow leskys; ytho aga breder an Levysi a's gweresas bys pan o an ober gorfennys ha bys pan o oll an oferysi erell sakrys, rag an Levysi o moy diwysyk ages an oferysi owth omsakra aga honan.

2 Kroniklys 29:34 ပူးပေါင်းရင်းမြစ်များ

2 Myghternedh 12:6

Mes erbynn an tressa blydhen warn ugens a vyghtern Yoash, ny wrussa an oferysi ewnheansow dhe'n chi.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

2 Kroniklys 29:33

An offrynnow sakrys o hwegh kans tarow ha tri mil dhavas.

2 Kroniklys 29:5

Ev a leveris dhedha, ‘Goslowewgh orthiv Levysi! Omsakrewgh hwi, ha sakrewgh chi an Arloedh, Duw agas tasow, ha degewgh yn-mes an avlander dhiworth an tyller sans.

2 Kroniklys 30:15

I a ladhas oen an pask y'n peswardhegves dhydh a'n nessa mis. An oferysi ha'n Levysi a's tevo meth hag i a omsakras aga honan, hag a dhros offrynnow leskys yn chi an Arloedh.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

2 Kroniklys 30:3

Ny allsens y solempnya y'n prys ewn, rag ny wrussa myns lowr a oferysi omsakra aga honan, hag ynwedh ny omguntellsa an bobel yn Yerusalem.

2 Kroniklys 35:11

I a ladhas eyn an pask, ha'n oferysi a skoellyas rann a'n goes a dhegemmersons a'ga diwla, ha'n Levysi a's diruskis.

Ezra 6:20

An oferysi ha'n Levysi re lanhasa aga honan war-barth; i oll o glan, hag i a ladhas an pask rag oll mebyon an divroedh, ha rag aga breder an oferysi, ha ragdha aga honan.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Salmow 7:10

Yma ow skoes gans Duw, neb a selow an re ewn aga holonn.

Salmow 94:15

Rag gwirvreus a dhehwel dhe wiryonedh, hag oll an re ewnhynsek aga holonn a hol war hy lergh.

Ezekiel 44:11

I a vydh menystrys y'm sentri, gans charj a yetys an tempel, hag ow servya y'm tempel; i a ladh an offrynn leskys ha'n sakrifis rag an bobel, hag i a sev a-ragdha ha'ga servya.

Niverow 18:3

I a wra dha attendya ha gwitha deverow oll an tylda; mes ny wrons dos nes dhe lestri an sentri po dhe'n alter, ma na wrellons i, na hwi, merwel.

Niverow 8:15

Ha wosa henna an Levysi a wra entra dhe servya tylda an kuntelles, wosa ty dh'aga glanhe ha'ga offrynna avel offrynn gwevys.

Niverow 8:19

Ha my re ros an Levysi yn ro dhe Aron ha'y vebyon yn mysk mebyon Ysrael, dhe wul servis rag mebyon Ysrael yn tylda an kuntelles, ha dhe wul prenedh rag mebyon Ysrael, ma na vo pla yn mysk mebyon Ysrael mar teffons nes dhe'n sentri.