2 Kroniklys 29:31 - An Bibel Kernewek 20234 (Kernewek Kemmyn)

³¹ Ena Hezekia a leveris, ‘Lemmyn sakrys owgh dhe'n Arloedh; dewgh nes, ha drewgh sakrifisow hag offrynnow grasyans rag chi an Arloedh.’ An kuntelles a dhros sakrifisow hag offrynnow grasyans hag oll a's tevo kolonn volonjedhek a dhros offrynnow leskys.

2 Kroniklys 29:31 ပူးပေါင်းရင်းမြစ်များ

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

2 Kroniklys 29:32

Niver an offrynnow leskys dres gans an kuntelles o deg tarow ha tri ugens, kans hordh, ha dew kans oen; oll an re ma o rag offrynn leskys dhe'n Arloedh.

Ezra 1:4

Ha pub treusvewer yn pub tyller may ma trigys, re'n gweresso gwer y dyller gans arghans, ha gans owr, ha gans gwara, ha gans chatel, war-barth gans an offrynnow bolonjedhek rag chi Duw usi yn Yerusalem.’

Eksodus 35:22

Yndellma y teuthons, ha gwer ha benynes; oll a golonn volonjedhek a dhros brochys ha bysowyer ha bysowyer-sel ha tergh, pub eghenn a daklow owrek, peub owth offrynna offrynn a owr dhe'n Arloedh.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Ezekiel 46:12

Pan wra an pennsevik provia offrynn bolonjedhek, offrynn leskys po offrynn kres, avel offrynn bolonjedhek dhe'n Arloedh, an yet a vir troha'n est a vydh igerys ragdho; hag ev a offrynn y offrynn leskys ha'y offrynnow kres dell wra yn dydh an sabot. Ena ev a omdenn, ha wosa ev dhe omdenna, an yet a vydh deges.

Levitikus 23:38

war-barth gans sabotys an Arloedh, ha war-barth gans agas rohow, ha war-barth gans oll agas ambosow, ha war-barth gans oll agas offrynnow bolonjedhek dhe'n Arloedh.

Levitikus 7:11

Hemm yw lagha sakrifis an offrynnow kres offrynnys dhe'n Arloedh.

Levitikus 7:12

Mara'n offrynn avel grasyans, ev a offrynn gans sakrifis an grasyans tesennow rond a vara heb goell kemmyskys gans oyl, ha tesennow tanow a vara heb goell urys gans oyl, ha tesennow rond a vleus fin kemmyskys gans oyl.