2 Kroniklys 29:27 - An Bibel Kernewek 20234 (Kernewek Kemmyn)

²⁷ Hezekia a worhemmynnis mayth offrynner an offrynn leskys war an alter. Pan dhallathas an offrynn leskys, an gan dhe'n Arloedh a dhallathas ynwedh, ha'n hirgern gans daffar Davydh myghtern Ysrael.

2 Kroniklys 29:27 ပူးပေါင်းရင်းမြစ်များ

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

2 Kroniklys 20:21

Wosa omgusulya gans an bobel, ev a apoyntyas kanoryon dhe gana dhe'n Arloedh ha'y wormel rag splannder y sansoleth, hag i ow mos yn-mes a-rag an lu, ow kana, ‘Rewgh grasow dhe'n Arloedh, rag y dregeredh a dhur bys vykken.’

2 Kroniklys 23:18

Yehoyada a ros an charj dhe worvires chi an Arloedh dhe'n oferysi ha'n levysi a apoyntyas Davydh yn chi an Arloedh dhe offrynna offrynnow leskys dhe'n Arloedh, par dell yw skrifys yn lagha Moyses, gans lowena ha gans kana, herwydh gorhemmynn Davydh.

2 Kroniklys 29:28

Oll an kuntelles a wordhyas, an ganoryon a ganas, ha'n hirgern a sonas; hag oll a hemma a besyas bys pan veu diwedhys an offrynn leskys.

2 Kroniklys 30:21

An Ysraelysi esa yn Yerusalem a solempnyas goel an bara heb goell seyth dydh gans lowender meur; ha'n Levysi ha'n oferysi a wordhyas an Arloedh pub dydh, ha gansa daffar menestrouthi ughel aga son sakrys dhe'n Arloedh.

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Salmow 136:1

Grassewgh dhe'n Arloedh, rag ev yw da, rag y dregeredh a dhur bys vykken.