2 Kroniklys 29:25 - An Bibel Kernewek 20234 (Kernewek Kemmyn)

²⁵ Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 29:25 ပူးပေါင်းရင်းမြစ်များ

2 Samuel 24:11

Ha pan sevis Davydh ternos, ger an Arloedh a dheuth dhe'n profoes Gad, gwelesydh Davydh, ow leverel,

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 21:9

An Arloedh a gewsis orth Gad, gwelesydh Davydh, ow leverel,

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 28:12

ha'n towl a bup-tra esa yn y vrys rag klosyow chi an Arloedh ha rag oll an chambouryow a-derdro, rag tresorvaow chi Duw, ha rag tresorvaow an rohow sakrys;

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

1 Kroniklys 29:29

Lemmyn gweythresow Davydh an myghtern, a dhalleth y reyn bys y'n diwedh, skrifys yns yn kovadhow Samuel an gwelesydh, hag yn kovadhow Nathan an profoes, hag yn kovadhow Gad an gwelesydh,

1 Kroniklys 9:33

Yth esa an ganoryon, pennow teyluyow an Levysi, trigys yn chambouryow diberthys ragdha, rag res o i dhe vos parys dhe servya dydh ha nos.

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

2 Kroniklys 30:21

An Ysraelysi esa yn Yerusalem a solempnyas goel an bara heb goell seyth dydh gans lowender meur; ha'n Levysi ha'n oferysi a wordhyas an Arloedh pub dydh, ha gansa daffar menestrouthi ughel aga son sakrys dhe'n Arloedh.

2 Kroniklys 35:15

Yth esa an ganoryon, mebyon Asaf, yn aga thyller, herwydh gorhemmynn Davydh, Asaf, Heman, ha Yeduthun gwelesydh an myghtern. Yth esa gwithysi an yetow orth pub yet; ny's tevo edhomm a woderri aga servis, rag aga breder, an Levysi a bareusis ragdha.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

1 Samuel 22:5

Ena an profoes Gad a leveris dhe Davydh, ‘Na wra triga y'n skons; dibarth, ha ke dhe bow Yuda.’ Ytho Davydh a dhibarthas, ha mos dhe goeswik Hareth.