2 Kroniklys 29:24 - An Bibel Kernewek 20234 (Kernewek Kemmyn)

²⁴ An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

2 Kroniklys 29:24 ပူးပေါင်းရင်းမြစ်များ

2 Kroniklys 30:1

Hezekia a dhannvonas dhe oll Ysrael ha Yuda, hag a skrifas lytherow ynwedh dhe Efraym ha dhe Manasse, may teffons dhe ji an Arloedh yn Yerusalem rag solempnya pask an Arloedh, Duw Ysrael.

Ezra 6:17

Rag sakrans an chi ma a Dhuw i a offrynnas kans lodhen, dew kans hordh, peswar kans oen; ha rag offrynn pegh rag oll Ysrael dewdhek bogh, herwydh niver loethow Ysrael.

Ezekiel 45:15

hag unn dhavas dhiworth pub flokk a dhew kans dhiworth peurvaow dowrhes Ysrael. Hemm yw rag an offrynn greun, ha'n offrynn leskys ha'n offrynn kres, dhe wul prenedh ragdha, yn-medh an Arloedh.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 1:4

Ev a worr y leuv war benn an sakrifis leskys, ha kemmeradow vydh ragdho, dhe wul dehwelyans ragdho.

Levitikus 14:20

Ha'n oferyas a offrynn an offrynn leskys ha'n offrynn greun war an alter, ha'n oferyas a wra dehwelyans ragdho, hag ev a vydh glan.

Levitikus 6:30

Ha ny vydh dybrys offrynn pegh vyth mayth yw dres an goes anodho a-ji dhe dylda an kuntelles dhe wul dehwelyans y'n tyller sans. Leskys vydh y'n tan.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Levitikus 9:15

Hag ev a dhros offrynn an bobel, ha kemmeres bogh offrynn pegh an bobel ha'y ladha ha'y offrynna rag pegh, kepar ha'n kynsa.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.