2 Kroniklys 29:17 - An Bibel Kernewek 20234 (Kernewek Kemmyn)

¹⁷ I a dhallathas an sakrans yn kynsa dydh an kynsa mis, hag yn ethves dydh an mis i a dheuth bys portal an Arloedh. Dres eth dydh i a sakras chi an Arloedh, hag yn hwetegves dydh an kynsa mis i a worfennas.

2 Kroniklys 29:17 ပူးပေါင်းရင်းမြစ်များ

1 Myghternedh 6:3

An portal a-rag sentri an chi o ugens kevelin hy les, a-dreus les an chi, ha deg kevelin o hy les a-rag an chi.

1 Kroniklys 28:11

Davydh a ros dhe Solomon y vab an towl rag portal an tempel ha'y dhrehevyansow, y dresorvaow, y jambouryow gwarthav, y jambouryow pervedhel ha chi an dregeredhva;

2 Kroniklys 29:18

Ena i eth a-ji dhe vyghtern Hezekia ha leverel, ‘Ni re lanhas chi an Arloedh oll, alter an offrynn leskys hag oll y lestri, ha moes bara an wolok hag oll hy daffar.

2 Kroniklys 29:3

Yn kynsa blydhen y reyn, y'n kynsa mis, ev a igoras darasow chi an Arloedh ha'ga ewnhe.

2 Kroniklys 29:7

Ha moy es henna i a dhegeas darasow an portal ha difeudhi golow an lugern; ny offrynnsons ynkys, na ny wrussons offrynnow leskys y'n tyller sans dhe Dhuw Ysrael.

2 Kroniklys 3:4

An portal a-rag an chi o ugens kevelin y les a-dreus les leun an chi, ha'y ughelder o hwegh ugens kevelin. Ev a'n gorowras a-bervedh gans owr pur.

2 Kroniklys 30:3

Ny allsens y solempnya y'n prys ewn, rag ny wrussa myns lowr a oferysi omsakra aga honan, hag ynwedh ny omguntellsa an bobel yn Yerusalem.