2 Kroniklys 29:16 - An Bibel Kernewek 20234 (Kernewek Kemmyn)

¹⁶ An oferysi eth a-berth yn pervedh chi an Arloedh rag y lanhe. I a dhros yn-mes oll an avlander a gavsons yn sentri an Arloedh, dhe glos chi an Arloedh; ha'n Levysi a'n kemmeras ha'y dhoen yn-mes dhe nans Kidron.

2 Kroniklys 29:16 ပူးပေါင်းရင်းမြစ်များ

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

2 Kroniklys 15:16

Ynwedh ev a wordhellos Maaka mamm myghtern Asa dhiworth hy soedh avel mamm-vyghternes, drefenn hi dhe wruthyl imaj kasadow a Ashera. Asa a droghas dhe'n dor hy thra gasadow ha'y vrewi ha'y leski yn nans Kidron.

2 Kroniklys 3:8

Ev a wrug an tyller an moyha sans, y hys kemmys ha les an chi, ugens kevelin, ha'y les o ugens kevelin, ev a'n gorowras gans hwegh kans talent a owr pur.

2 Kroniklys 30:14

I a dhallathas oberi hag a dhug dhe-ves an alteryow esa yn Yerusalem, hag i a dhug dhe-ves oll an alteryow rag offrynna ynkys ha'ga thewlel y'n nans Kidron.

2 Kroniklys 5:7

Ena an oferysi a dhug argh an kevambos dh'y thyller yn sentri pervedhel an chi, y'n tyller an moyha sans, yn-dann dhiwaskell an cherubim.

Nehemia 13:9

My a erghis hag i a lanhas an chambouryow, ha my a wrug dhe dhaffar chi Duw, gans an offrynn greun ha'n frankynkys, bos dres ena arta.

Ezekiel 36:29

My agas saw dhiworth oll agas avlander. My a elow dhe'n ys ha'y voghhe, ha ny worrav divoetter warnowgh.

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Yowann 18:1

Wosa leverel an taklow ma, Yesu eth dhe-ves gans y dhyskyblon dres an keynres Kedron, le mayth esa lowarth, hag ev ha'y dhyskyblon a entras ynno.