2 Kroniklys 27:6 - An Bibel Kernewek 20234 (Kernewek Kemmyn)

⁶ Ytho Yotham eth ha bos krev drefenn ev dhe witha y fordhow kompes a-rag an Arloedh y Dhuw.

2 Kroniklys 27:6 ပူးပေါင်းရင်းမြစ်များ

2 Kroniklys 17:3

Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 26:5

Yth esa ow hwilas mynnas Duw yn dydhyow Zekaria, neb a'n dyskas yn own Duw. Hedre ve ow hwilas mynnas an Arloedh, Duw a wrug dhodho seweni.

2 Kroniklys 27:5

Ev a vatalyas orth myghtern an Ammonysi ha'y fetha. An Ammonysi a ros dhodho y'n vlydhen na kans talent a arghans, deg mil gor a ys ha deg mil a heydh. An Ammonysi a dylis an keth myns y'n nessa hag y'n tressa blydhen.