2 Kroniklys 26:5 - An Bibel Kernewek 20234 (Kernewek Kemmyn)

⁵ Yth esa ow hwilas mynnas Duw yn dydhyow Zekaria, neb a'n dyskas yn own Duw. Hedre ve ow hwilas mynnas an Arloedh, Duw a wrug dhodho seweni.

2 Kroniklys 26:5 ပူးပေါင်းရင်းမြစ်များ

Jenesis 41:15

Yn-medh Faro dhe Yosep, ‘My re hunrosas hunros mes nyns eus denvyth a wodhvo y styrya. My re glewas y vos leverys a-dro dhis, pan glewydh hunros ty a yll y styrya.’

Jenesis 41:38

Hag yn-medh Faro dh'y wesyon, ‘A yllyn ni kavoes gour a'n par ma, hag ynno Spyrys Duw?’

2 Myghternedh 15:34

Ev a wrug an pyth o ewn yn golok an Arloedh, herwydh pup-tra re wrussa y das Uzzia.

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

1 Kroniklys 22:13

Ena ty a sewen mar kwaytydh gwitha an ordenansow ha'n breusow a erghis an Arloedh dhe Moyses rag Ysrael. Bydh krev, hag a golonn dha. Na borth own, na vydh digolonnek.

2 Kroniklys 14:6

Ev a dhrehevis sitys kerys yn Yuda ha'n tir a'n jevo powes. Ny veu bresel er y bynn y'n blydhynyow na, rag an Arloedh a ros dhodho kres.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 24:2

Yoash a wrug an pyth o ewn yn golok an Arloedh oll dydhyow Yehoyada an oferyas.

2 Kroniklys 25:8

Rag hwath mars edh gans an re ma ha bos krev yn batel, Duw a'th tomhwel a-rag an eskar; rag Duw a'n jeves galloes po dhe weres po dhe dhomhwel.’

2 Kroniklys 26:4

Ev a wrug an pyth o ewn yn golok an Arloedh, par dell wrussa y das Amasia.

2 Kroniklys 27:6

Ytho Yotham eth ha bos krev drefenn ev dhe witha y fordhow kompes a-rag an Arloedh y Dhuw.

2 Kroniklys 29:1

Hezekia a dhallathas reynya pan o pymp bloedh warn ugens, hag ev a reynyas naw blydhen warn ugens yn Yerusalem. Hanow y vamm o Abia myrgh Zekaria.

2 Kroniklys 32:30

An keth Hezekia ma a dhegeas an ughella fenten a dhowrow Gihon ha'ga threylya yn-nans dhe du an howlsedhes dhe sita Davydh. Hezekia a sewenis yn oll y weythresow.

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Oberow 20:30

hag yn-mes a'gas mysk agas honan gwer a sev ow kewsel taklow gorth rag tenna dhe-ves an dhyskyblon war aga lergh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.

Breusysi 2:7

An bobel a servya an Arloedh dres oll dydhyow Yoshua, ha dres oll dydhyow an henavogyon a vewas pella es Yoshua, neb a welsa oll an ober meur a wrug an Arloedh a-barth Ysrael.