2 Kroniklys 26:18 - An Bibel Kernewek 20234 (Kernewek Kemmyn)

¹⁸ I a sevis orth myghtern Uzzia hag a leveris dhodho, ‘Ny dhelledh dhis leski ynkys dhe'n Arloedh, mes y telledh dhe'n oferysi, mebyon Aron, yw sakrys dhe leski ynkys. Ke yn-mes a'n sentri; rag ty re wrug drog, ha ny dheg henna enor dhis dhiworth an Arloedh Duw.’

2 Kroniklys 26:18 ပူးပေါင်းရင်းမြစ်များ

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

2 Kroniklys 30:7

Na vedhewgh avel agas tasow ha'gas breder o dislel dhe'n Arloedh, Duw agas tasow, bys ma's gwrug tra a skruth, dell welowgh.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Niverow 3:10

Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.

Matthew 10:18

ha hwi a vydh dres a-rag governours ha myghternedh a'm govis vy yn dustuni dhedha ha dhe'n Jentilys.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 14:4

rag Yowann a leveris dhodho, ‘Nyns yw lafyl ty dh'y havoes.’

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

1 Korinthianys 5:5

res yw dhywgh daskorr an gour ma dhe Satnas rag terroes an kig may fo selwys y spyrys yn dydh an Arloedh.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 2:11

Mes pan dheuth Kefas dhe Antiogh, my a sevis er y bynn orth y anow, rag y vos dhe vlamya.

Ebrowyon 5:4

Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.

Jamys 2:1

Ow breder, na synsewgh fydh agan Arloedh gloryus Yesu Krist, gans faverans dhe neb den.

Yoshua 22:15

I a dheuth dhe'n Rewbenysi, dhe'n Gadysi, ha dhe hanter-loeth Manasse dhe bow Gilead, hag yn-medhons dhedha,

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.