2 Kroniklys 26:16 - An Bibel Kernewek 20234 (Kernewek Kemmyn)

¹⁶ Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

2 Kroniklys 26:16 ပူးပေါင်းရင်းမြစ်များ

1 Myghternedh 12:33

Ev eth yn-bann dhe'n alter re wrussa yn Bethel y'n pymthegves dydh a'n ethves mis; ena yn mis re dhewissa ev y honan, ev a fondyas goel rag an Ysraelysi ha mos yn-bann dhe'n alter rag offrynna sakrifisow.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

2 Myghternedh 14:10

Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’

2 Myghternedh 15:5

An Arloedh a weskis an myghtern, mayth o klavorek bys yn dydh y vernans, hag yth esa trigys yn chi diberth. Yotham, mab an myghtern a rewlyas an palas, ow koverna pobel an pow.

2 Kroniklys 12:1

Pan veu fastys myghterneth Rehoboam hag ev o gyllys krev, ev a forsakyas lagha an Arloedh, ev hag oll Ysrael ganso.

2 Kroniklys 25:19

Ty a lever, “Mir, my re fethas Edom”, ha'th kolonn re'th trehevis yn-bann yn balghder. Mes lemmyn gorta tre; prag y strivydh rag trobel ha dri terroes warnas ha war Yuda genes?’

2 Kroniklys 26:15

Yn Yerusalem ev a dhrehevis jynnow re bia devisys gans ynjinoryon sleygh, war an touryow hag orth an kornellow rag tewlel sethow ha meyn bras. Y vri a lesas pell, rag ev o marthys gweresys, bys pan o gyllys krev.

2 Kroniklys 27:2

Ev a wrug an pyth o ewn yn golok an Arloedh par dell re wrussa y das Uzzia, saw ny entras y'n tempel an Arloedh. Mes an bobel a besyas yn aga drogobereth.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Daniel 11:12

Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Daniel 8:8

Ena an bogh a omvoghhas dres eghenn; mes kettell dheuth ha bos krev, an korn bras a veu terrys, hag yn y le y sevis peswar korn hewel, war-tu ha'n peswar gwyns a nev.

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.

Niverow 16:1

Lemmyn Koragh mab Yshar mab Kohath mab Levi, ha Dathan hag Abiram mebyon Eliab, hag On mab Peleth, mebyon Rewben, a gemmeras gwer;

Niverow 16:18

Ytho peub a gemmeras y ynkyslester ha gorra tan ynna ha gorra ynkys warnedha, hag i a sevis orth daras tylda an kuntelles gans Moyses hag Aron.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Niverow 16:7

gorrewgh tan ynna ha gorra ynkys ynna a-rag an Arloedh a-vorow, ha'n gour dewisys gans an Arloedh a vydh sans. Hwi res eth re bell, hwi vebyon Levi!’

Niverow 17:5

Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Dewteronomi 8:17

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,