2 Kroniklys 26:10 - An Bibel Kernewek 20234 (Kernewek Kemmyn)

¹⁰ Ev a dhrehevis touryow y'n gwylvos hag ev a balas lies dowrargh, rag ev a'n jevo greow bras, keffrys y'n Shefela hag y'n plen. Hag ev a'n jevo tiogyon ha gonedhysi gwinlannow y'n vro venydhyek hag y'n tiryow feyth, rag ev a garas an dor.

2 Kroniklys 26:10 ပူးပေါင်းရင်းမြစ်များ

2 Myghternedh 19:23

Dre leuv dha gannasow ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon; My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

2 Myghternedh 3:4

Mesha myghtern Moab o mager a dheves, ha res o dhodho provia dhe vyghtern Ysrael kans mil oen ha kans mil hordh anknyvys.

2 Kroniklys 17:12

Gyllys o Yehoshafat moy ha moy krev. Ev a dhrehevis dinasow ha sitys-gwithva yn Yuda.

2 Kroniklys 17:13

Ev a wrug oberow meur yn sitys Yuda. Ev a'n jevo soudoryon, kasoryon alloesek, yn Yerusalem.

2 Kroniklys 26:11

Dres henna Uzzia a'n jevo lu a gasoryon, dyskys yn batel, parys yn rannow herwydh an niverow y'n komptyans gwrys gans an skrifennyas Yeiel ha'n soedhek Maaseya, yn-dann gevarwoedhyans Hanania, onan a gaslewydhyon an myghtern.

2 Kroniklys 32:29

Ev a brovia ynwedh sitys ragdho y honan, ha flokkys ha greow pals, rag Duw re ros dhodho pythow meur.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 29:17

A ny vydh a bur verr spys pan vydh Lebanon dreylys dhe dir feyth, ha'n tir feyth bos tybys avel koeswik?

Dewteronomi 3:10

oll trevow an ughelgompesenn, oll Gilead, hag oll Bashan bys yn Salka hag Edrei, trevow ruvaneth Og yn Bashan.

Yoshua 15:55

Maon, Karmel, Zif, Yutta,

1 Samuel 15:12

Samuel a sevis myttin a-varr dhe vetya Sowl, hag y feu derivys dhe Samuel, ‘Sowl eth dhe Karmel, le may trehevis men-kov ragdho y honan, hag ev a dreylyas a-dro alena ha tremena yn-nans dhe Gilgal.’