2 Kroniklys 25:5 - An Bibel Kernewek 20234 (Kernewek Kemmyn)

⁵ Amasia a guntellas pobel Yuda, ha'ga gorra herwydh chi aga thasow yn-dann gaptenyon milyow ha kaptenyon kansow rag oll Yuda ha Benyamin. Ev a guntellas an re a ugens bloedh aga oes ha moy hag a gavas i dhe vos tri hans mil, kasoryon dhewisys gwiw rag bresel, gans an galloes dhe handla guw ha skoes.

2 Kroniklys 25:5 ပူးပေါင်းရင်းမြစ်များ

1 Kroniklys 13:1

Myghtern Davydh a omgusulyas gans kaptenyon an milyow ha'n kansow, gans oll an soedhogyon.

1 Kroniklys 27:1

Homm yw rol an Ysraelysi, pennow teyluyow, kaptenyon milyow ha kansow ha'ga soedhogyon a servya an myghtern yn pup-tra ow tochya dhe'n rannow a dho a-ji hag e yn-mes mis wosa mis dre der oll misyow an vlydhen. Pub rann a's tevo peswar mil wour warn ugens.

2 Kroniklys 11:1

Pan dheuth Rehoboam dhe Yerusalem, ev a guntellas chi Yuda ha Benyamin, naw-ugens mil gasor dewisys, rag omladh erbynn Ysrael, rag daskorr an wlaskor dhe Rehoboam.

2 Kroniklys 14:7

Ev a leveris dhe Yuda. ‘Drehevyn an sitys ma, ha'ga hyrghynna gans fosow ha touryow, yetys ha barrys. Yma an tir dhyn hwath, drefenn ni dhe hwilas an Arloedh agan Duw; ni re'n hwilas hag ev re ros dhyn kres a bub tu.’ Ytho i a dhrehevis ha seweni.

2 Kroniklys 14:8

Asa a'n jevo lu a dri hans mil a Yuda, ervys gans skoesow ha guwow, ha dew kans, peswar-ugens a vilyow a gasoryon a Benyamin, ervys gans skoesow ha guwow. Oll a'n re ma o kasoryon grev.

2 Kroniklys 25:6

Ev a arvethas dhiworth Ysrael kans mil gasor krev a gans talent a arghans.

2 Kroniklys 26:13

Yth esa yn-dann aga leuv lu a dri hans ha seyth a vilyow, pymp kans, hag a werrya gans nerth meur, rag gweres an myghtern erbynn an eskar.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Niverow 1:3

a-dhia ugens bloedh ha moy, peub yn Ysrael a yll mos yn-rag dhe vresel, ty hag Aron a wra aga nivera, lu ha lu.

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.