2 Kroniklys 25:23 - An Bibel Kernewek 20234 (Kernewek Kemmyn)

²³ Yoash myghtern Ysrael a synsis Amasia myghtern Yuda mab Yoash mab Ahazia yn Beth-shemesh dhiworth Yet Efraym dhe Yet an Gornell, ha'y fellder o peswar kans kevelin.

2 Kroniklys 25:23 ပူးပေါင်းရင်းမြစ်များ

2 Myghternedh 14:13

Yehoash myghtern Ysrael a gemmeras Amasia myghtern Yuda mab Yehoash mab Ahazia yn Beth-shemesh. Ev a dheuth dhe Yerusalem ha gul aswa yn fos Yerusalem dhiworth Yet Efraym bys yn Yet an Gornell, peswar kans kevelin.

2 Kroniklys 21:17

I a dheuth yn-bann erbynn Yuda, i a entras ynno, ha doen dhe-ves oll an pythow a gavsons yn chi an myghtern, war-barth gans y vebyon ha'y wragedh, bys ma nag o mab gesys dhodho marnas Yehoahaz, y yowynka mab.

2 Kroniklys 22:1

Trigoryon Yerusalem a wrug y yowynka mab Ahazia myghtern yn y le; rag an bagas a dheuth gans an Arabyon dhe'n kamp re ladhsa oll an kottha mebyon. Ytho Ahazia mab Yehoram myghtern Yuda a dhallathas reynya.

2 Kroniklys 22:6

hag ev a dhehwelis dhe vos yaghhes yn Yezreel a'n goliow re borthas yn Rama pan werryas erbynn Hazael myghtern Aram. Ahazia mab Yehoram myghtern Yuda eth yn-nans dhe weles Yoram mab Ahab yn Yezreel, drefenn ev dhe vos klav.

2 Kroniklys 25:22

Yuda a veu fethys gans Ysrael; pub huni a fias dhe dre.

2 Kroniklys 26:9

Dres henna Uzzia a dhrehevis touryow yn Yerusalem, orth Yet an Gornell, orth Yet an Nans, hag orth an elin, hag ev a's keras.

2 Kroniklys 32:5

Hezekia a gemmeras kolonn, hag a dhastrehevis oll rannow an fos o koedhys yn-nans, hag a dhrehevis touryow warnedhi, ha tu a-ves dhedhi ev a dhrehevis fos arall; ha dres henna ev a grevhas Millo yn sita Davydh, hag ev a wrug arvow ha skoesow, pals anedha.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Nehemia 12:39

hag a-ugh Yet Efraym, ha ryb an Yet Koth, ha ryb Yet an Puskes ha Tour Hananel ha Tour an Kans, dhe Yet an Deves; hag i a hedhis orth Yet an Withysi.

Nehemia 8:16

Ytho an bobel eth yn-mes ha'ga hyrghes, ha gul dhedha aga honan skovvaow, pubonan war do y ji, hag yn aga klosyow, ha klosyow chi Duw, hag yn stret Yet an Dowr, hag yn stret Yet Efraym.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Yeremia 31:38

Otta, an dydhyow a dheu, yn-medh an Arloedh, pan vydh drehevys an sita rag an Arloedh a-dhiworth tour Hananel dhe Yet an Gornell.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Obadia 1:3

Goeth dha golonn re'th toellas, ty neb eus trigys ughel yn savnow an garrek, y drigva y'n ughelder, ow leverel y'th kolonn, ‘Piw a'm dre yn-nans dhe'n dor?’

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’