2 Kroniklys 25:16 - An Bibel Kernewek 20234 (Kernewek Kemmyn)

¹⁶ Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

2 Kroniklys 25:16 ပူးပေါင်းရင်းမြစ်များ

2 Kroniklys 10:15

Yndella ny woslowas an myghtern orth an bobel, drefenn bos hemma destnys gans Duw, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 16:10

Ena Asa a sorras orth an gwelesydh, hag a'n gorras y'n stokkys, yn prison, drefenn ev dhe berthi konnar orto rag hemma. Hag Asa a debeldhyghtyas re a'n bobel y'n keth termyn na.

2 Kroniklys 18:25

Ena myghtern Ysrael a erghis, ‘Kemmer Mikaya ha'y dhaskorr dhe Amon, governour an sita ha dhe Yoash mab an myghtern,

2 Kroniklys 24:20

Ena spyrys Duw a dheuth war Zekaria mab Yehoyada an oferyas; ev a sevis a-ugh an bobel hag a leveris dhedha, ‘Yndellma a lever Duw: Prag yth esowgh diwostydh dhe worhemmynnow an Arloedh? Ny sewenowgh. Drefenn hwi dhe forsakya an Arloedh ev re'gas forsakyas hwi.’

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

2 Kroniklys 25:15

An Arloedh a sorras orth Amasia, hag a dhannvonas dhodho profoes, a leveris dhodho, ‘Prag re hwilsys duwow an bobel ma, na yllens delivra aga fobel aga honan a'th leuv jy?’

2 Kroniklys 25:17

Ena Amasia myghtern Yuda a omgusulyas hag a dhannvonas dhe Yoash mab Yehoahaz mab Yehu a Ysrael, ow leverel, ‘Deus, miryn an eyl orth y gila fas orth fas.’

Eksodus 10:28

Ena Faro a leveris dhodho, ‘Ke ahanav; ha bydh war na welli nevra arta ow fas; rag y'n jydh may hwelli ow fas ty a verow.’

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Lavarow Koth 1:29

Drefenn i dhe gasa godhvos, ha ny dhewissons own an Arloedh,

Lavarow Koth 1:30

ny vynnens degemmeres ow husul, hag i a skonyas oll ow heredh,

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 27:15

Rag ny's dannvenis, yn-medh an Arloedh, mes i a brofoes gow y'm hanow, ma'gas fesyav yn-mes hag yth ewgh dhe goll, hwi ha'n brofoesi a brofoes dhywgh.

Yeremia 29:26

An Arloedh a'th wrug oferyas yn le Yehoyada an oferyas, dhe vos soedhogyon yn chi an Arloedh, rag pub muskok a omwra profoes, ma'n gorrydh yn stokkys hag yn kolor.

Yeremia 43:4

Ytho ny veu Yohanan mab Kareagh hag oll pennsevigyon an luyow hag oll an bobel gostydh dhe lev an Arloedh, dhe driga yn pow Yuda.

Ezekiel 33:4

ena piwpynag a glewo son an hirgorn heb goslowes an gwarnyans, pan dheu an kledha dh'y gemmeres, y woes a vydh war y benn y honan.

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Oberow 4:28

rag gul an pyth a ragdhestnas dha leuv ha'th towl may fe gwrys.

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

2 Timothi 4:3

Rag an termyn a dheu ma na berthons dyskas yagh, mes war-lergh aga hwansow, kuntell dyskadoryon ragdha aga honan a wrons i, ow kosa aga diwskovarn,

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.