2 Kroniklys 24:27 - An Bibel Kernewek 20234 (Kernewek Kemmyn)

²⁷ Derivadow a-dro dh'y vebyon hag a-dro dhe'n lies profoesans er y bynn, hag a-dro dhe dhastrehevel chi Duw yw skrifys y'n lyver-styryans war Lyver an Myghternedh. Hag Amasia y vab a reynyas yn y le.

2 Kroniklys 24:27 ပူးပေါင်းရင်းမြစ်များ

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

2 Myghternedh 12:21

Yozakar mab Shimeath, ha Yehozabad mab Shomer, y wesyon, a'n ladhas hag ev a verwis. Hag ev a veu ynkleudhys gans y dasow yn sita Davydh; hag Amasia a reynyas yn y le.

1 Kroniklys 3:12

Amasia, Azaria, Yotham,

2 Kroniklys 13:22

Gweythresow erell Abia, y fara ha'y wriansow yw skrifys yn lyver-styryans an profoes Iddo.

2 Kroniklys 16:11

Gweythresow Asa, a'n kynsa dhe'n diwettha, yw skrifys yn Lyver Myghternedh Yuda hag Ysrael.

2 Kroniklys 20:34

Gweythresow erell Yehoshafat, a'n kynsa dhe'n diwettha, yw skrifys yn istori Yehu mab Hanani, yw kovadhys yn Lyver Myghternedh Ysrael.

2 Kroniklys 24:12

An myghtern ha Yehoyada a'n ros dhe'n re a's tevo charj war ober chi an Arloedh, hag i a wobrenas seri men ha seri prenn rag nowydhhe chi an Arloedh, hag ynwedh oberoryon yn horn hag yn brons rag ewnhe chi an Arloedh.

2 Kroniklys 24:26

An re a vrasas er y bynn o Zabad mab Shimeath an Ammonyas, ha Yehozabad mab Shimrith an Moabyas,

2 Kroniklys 25:1

Amasia o pymp bloedh warn ugens pan dhallathas reynya, hag ev a reynyas naw blydhen warn ugens yn Yerusalem. Hanow y vamm o Yehoaddan a Yerusalem.

2 Kroniklys 9:29

Gweythresow erell Solomon a'n kynsa dhe'n diwettha anedha, a nyns yns i skrifys yn istori Nathan an profoes, hag yn profoesans Ahiya an Shilonyas hag yn gwelesigethow an gwelesydh Iddo a-dro dhe Yeroboam mab Nebat?