2 Kroniklys 24:25 - An Bibel Kernewek 20234 (Kernewek Kemmyn)

²⁵ Pan gildennsons, i a asas Yoash fest goliys. Y wesyon a vrasas er y bynn rag goes mab Yehoyada an oferyas, hag i a'n ladhas war y weli. Yndella y ferwis; hag i a'n ynkleudhyas yn sita Davydh, mes ny'n ynkleudhsons yn bedhow an myghternedh.

2 Kroniklys 24:25 ပူးပေါင်းရင်းမြစ်များ

1 Myghternedh 15:27

Baasha mab Ahiya, a ji Yssakar, a vrasas er y bynn; ha Baasha a'n gweskis yn Gibbethon, o perghennys gans an Filistysi; rag yth esa Nadab hag Ysrael oll ow kul esedhva war Gibbethon

2 Kroniklys 21:16

An Arloedh a wrug dhe sorr an Filistysi difuna erbynn Yehoram, ha sorr an Arabyon usi ogas dhe'n Ethiopysi.

2 Kroniklys 22:6

hag ev a dhehwelis dhe vos yaghhes yn Yezreel a'n goliow re borthas yn Rama pan werryas erbynn Hazael myghtern Aram. Ahazia mab Yehoram myghtern Yuda eth yn-nans dhe weles Yoram mab Ahab yn Yezreel, drefenn ev dhe vos klav.

2 Kroniklys 22:9

Ev a hwilas Ahazia hag i a'n synsys hag ev owth omgudha yn Samaria. I a'n dros dhe Yehu ha'y ladha. I a'n ynkleudhyas, rag i a leveris, ‘Ev yw mab-wynn Yehoshafat neb a hwilas an Arloedh a leun golonn.’ Ha nyns o nagonan yn chi Ahazia gans nerth lowr dhe rewlya an wlaskor.

2 Kroniklys 24:16

I a'n ynkleudhyas yn sita Davydh gans an vyghternedh, drefenn ev dhe wul da yn Ysrael, hag a-barth Duw ha'y ji.

2 Kroniklys 24:26

An re a vrasas er y bynn o Zabad mab Shimeath an Ammonyas, ha Yehozabad mab Shimrith an Moabyas,

2 Kroniklys 25:27

A'n termyn may treylyas Amasia dhiworth an Arloedh, i a wrug bras er y bynn yn Yerusalem, hag ev a fias dhe Lakish. Mes i a dhannvonas war y lergh dhe Lakish hag ena i a'n ladhas.

2 Kroniklys 25:3

Kettel veu an myghterneth fastys warnodho, ev a ladhas y wesyon re voldras y das, an myghtern.

2 Kroniklys 28:27

Ahaz a goskas gans y dasow, hag i a'n ynkleudhyas y'n sita, yn Yerusalem; mes ny'n drosons yn bedhow myghternedh Ysrael. Y vab Hezekia a reynyas yn y le.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’