2 Kroniklys 24:22 - An Bibel Kernewek 20234 (Kernewek Kemmyn)

²² Ny borthas Yoash an myghtern kov a'n tregeredh diskwedhys dhodho gans Yehoyada y das, mes ev a ladhas y vab. Hag ev yn eneworres, ev a leveris, ‘Re wello an Arloedh ha diella!’

2 Kroniklys 24:22 ပူးပေါင်းရင်းမြစ်များ

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Jenesis 9:5

Hag yn sur, rag goes agas bewnans hwi my a vynn kavoes reknans; my a vynn y gavoes orth pub best; hag orth mab-den, orth den ha'y broder, my a vynn kavoes reknans a vewnans den.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 109:4

Yn attal a'm kerensa i a sev er ow fynn, mes my a omre dhe bysadow.

Salmow 9:13

Bydh grassyes orthiv, A Arloedh; mir orth ow anken, a wodhavav dhiworth an re a'm kas, ty neb a'm drehav dhiworth porthow ankow,

Lavarow Koth 17:13

Mar attal nebonan drog rag da, nyns a drog nevra dhiworth y ji.

Yeremia 11:20

Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

Luk 11:51

a-dhia woes Abel bys goes Zakaria neb a veu ledhys ynter an alter ha'n sentri; yn hwir y lavarav dhywgh, govynnys vydh a-dhiworth an henedh ma.

Yowann 10:32

Yesu a worthybis dhedha, ‘My re dhiskwedhas dhywgh lies ober da dhiworth an Tas; rag py ober anedha y fynnowgh ow labydha?’

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

2 Timothi 4:16

Pan wrugavy defens yn kynsa, nyns esa denvyth ow sevel rybov, mes pub den a'm gasas; na vedhes gorrys dh'aga reken.

Yoshua 22:23

Mar trehaffen ragon alter rag treylya a siwya an Arloedh, po mar kwrellen warnedhi offrynn leskys po offrynn greun po mar kwrellen warnedhi sakrifisow offrynnow kres, an Arloedh y honan a hwilsa agan kessydhya.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

Breusysi 8:35

na ny dhiskwedhsons lelder dhe ji Yerubbaal (henn yw Gideon) rag oll an dader re wrug ev dhe Ysrael.