2 Kroniklys 24:20 - An Bibel Kernewek 20234 (Kernewek Kemmyn)

²⁰ Ena spyrys Duw a dheuth war Zekaria mab Yehoyada an oferyas; ev a sevis a-ugh an bobel hag a leveris dhedha, ‘Yndellma a lever Duw: Prag yth esowgh diwostydh dhe worhemmynnow an Arloedh? Ny sewenowgh. Drefenn hwi dhe forsakya an Arloedh ev re'gas forsakyas hwi.’

2 Kroniklys 24:20 ပူးပေါင်းရင်းမြစ်များ

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 12:5

Ena an profoes Shemaia a dheuth dhe Rehoboam ha dhe bennsevigyon Yuda, o kuntellys yn Yerusalem drefenn Shishak, hag a leveris dhodho, ‘Yndellma y lever an Arloedh: Hwi a'm forsakyas, ytho my re'gas forsakyas dhe leuv Shishak.’

2 Kroniklys 20:14

Ena spyrys an Arloedh a dheuth war Yahaziel mab Zekaria mab Benaya mab Yeiel mab Mattania, Levyas a vebyon Asaf, yn kres an kuntelles.

2 Kroniklys 23:11

Ena i a ledyas mab an myghtern yn-mes, hag a worras an gurun warnodho, hag i a ros dhodho an dustuni, ha'y wul myghtern. Yehoyada ha'y vebyon a'n untyas hag i a armas, ‘Re vewo an myghtern!’

2 Kroniklys 24:24

Lu Aram re dhothya gans niver byghan a wer, mes an Arloedh a ros ynter aga diwla lu fest bras, drefenn i dhe asa an Arloedh, Duw aga thasow. Yndella i a gowlwrug breus war Yoash.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

2 Kroniklys 29:8

Yndella konnar an Arloedh a dheuth war Yuda ha war Yerusalem, hag ev a's gwrug tra a euth, a skruth, hag a hwiban, dell welowgh gans agas dewlagas agas honan.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 4:18

Dha fordh ha'th wriansow re dhros an traow ma warnas: hemm yw dha dhrogedh, ass yw hwerow! re dhrehedhas bys y'th kolonn.’

Yeremia 5:19

Hag y hwyrvydh, pan leverowgh, ‘Prag y hwra an Arloedh an traow ma dhyn?’ ena ty a worthyp dhedha, ‘Par dell wrussowgh ow eskasa, ha servya duwow estren yn agas tir, yndellma hwi a serv estrenyon yn tir nag eus dhywgh.’

Yeremia 5:25

Agas drogoberow re dreylyas an traow ma dhe-ves, ha'gas peghosow re withas dader a-dhiworthowgh.

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Niverow 14:41

Mes Moyses a leveris, ‘Prag yth esowgh ow kammdremena erbynn arghadow an Arloedh? rag ny wra henna seweni.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Luk 11:51

a-dhia woes Abel bys goes Zakaria neb a veu ledhys ynter an alter ha'n sentri; yn hwir y lavarav dhywgh, govynnys vydh a-dhiworth an henedh ma.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Breusysi 6:34

Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.