2 Kroniklys 24:17 - An Bibel Kernewek 20234 (Kernewek Kemmyn)

¹⁷ Wosa mernans Yehoyada pennsevigyon Yuda a dheuth hag a omblegyas dhe'n myghtern. An myghtern a woslowas orta.

2 Kroniklys 24:17 ပူးပေါင်းရင်းမြစ်များ

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

2 Kroniklys 24:16

I a'n ynkleudhyas yn sita Davydh gans an vyghternedh, drefenn ev dhe wul da yn Ysrael, hag a-barth Duw ha'y ji.

2 Kroniklys 24:18

I a forsakyas chi an Arloedh, Duw aga thasow, hag a servya an Asherim ha'n peulveyn. Konnar a dheuth war Yuda ha war Yerusalem drefenn aga hammweyth.

Lavarow Koth 20:19

Neb a gerdh a-dro avel hwedhler a dhiskudh kevrinyow; ytho na vydh keskoweth gans klappyer.

Lavarow Koth 26:28

Taves gowek a gas an re a wra aga arvedh, ha ganow fekyl a dhre terroes.

Lavarow Koth 26:8

Avel neb a gelm men yn towlbrenn yw ri enor dhe foll.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Lavarow Koth 29:5

Gour neb a flatter y gentrevek a les roes rag y dhewdroes.

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Daniel 11:32

Ha'n re a gammdremen erbynn an kevambos, ev a wra aga flattra yn fekyl; mes an bobel a aswonn aga Duw a vydh krev ha gul gweyth.

Luk 11:25

Ha pan yw devedhys, ev a'n kyv skubys ha tekhes.

Dewteronomi 31:27

Rag my a woer fatell osta diwostydh ha kales dha gilbenn. Ha my hwath yn few genowgh hedhyw, hwi re beu diwostydh erbynn an Arloedh: pyseul dhe voy wosa ow mernans.

2 Peder 1:15

Ha my a striv gwella gylliv dhe surhe hwi dhe berthi kov pup-prys a'n taklow ma wosa ow thremenyans.

Breusysi 8:33

Kettell veu Gideon marow, mebyon Ysrael a dreylyas hag a farya avel horys gans an Baalim, ow kul Baal-berith aga duw