2 Kroniklys 23:18 - An Bibel Kernewek 20234 (Kernewek Kemmyn)

¹⁸ Yehoyada a ros an charj dhe worvires chi an Arloedh dhe'n oferysi ha'n levysi a apoyntyas Davydh yn chi an Arloedh dhe offrynna offrynnow leskys dhe'n Arloedh, par dell yw skrifys yn lagha Moyses, gans lowena ha gans kana, herwydh gorhemmynn Davydh.

2 Kroniklys 23:18 ပူးပေါင်းရင်းမြစ်များ

1 Kroniklys 23:25

Rag Davydh a leveris, ‘An Arloedh, Duw Ysrael, re ros powes dh'y bobel; hag ev a drig yn Yerusalem bys vykken.

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 29:27

Hezekia a worhemmynnis mayth offrynner an offrynn leskys war an alter. Pan dhallathas an offrynn leskys, an gan dhe'n Arloedh a dhallathas ynwedh, ha'n hirgern gans daffar Davydh myghtern Ysrael.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

2 Kroniklys 30:27

Ena an oferysi ha'n Levysi a sevis yn-bann ha benniga an bobel, ha'ga lev o klewys; ha'ga fysadow a dheuth dh'y drigva sans yn nev.

2 Kroniklys 35:2

Ev a apoyntyas an oferysi dh'aga soedhow ha'ga krevhe yn servis chi an Arloedh.

2 Kroniklys 5:5

I a dhug an argh yn-bann; ha'n oferysi ha'n Levysi a dhug yn-bann tylda an kuntelles hag oll daffar san s an tylda.

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.