2 Kroniklys 23:13 - An Bibel Kernewek 20234 (Kernewek Kemmyn)

¹³ Hi a viras, hag otta an myghtern ow sevel ryb y goloven y'n entrans, ha'n gaptenyon ha'n hirgernysi ryb an myghtern, hag oll pobel an tir ow lowenhe hag ow hwytha hirgern, ha'n ganoryon gans aga daffar menestrouthi ow ledya y'n solempnyans, Athalia a skwardyas hy dillas, hag a grias, ‘Trayson, trayson!’

2 Kroniklys 23:13 ပူးပေါင်းရင်းမြစ်များ

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

2 Myghternedh 9:23

Ena Yoram a dreylyas a-dro ha fia, ha leverel dhe Ahazia, ‘Trayturi, A Ahazia!’

1 Kroniklys 12:40

Ynwedh aga hentrevogyon mar bell dhe-ves avel Yssakar, Zebulun ha Naftali a dhros boes war asenes, war gowrvergh, war vulyon ha war oghen. Yth esa palster a vleus, tesennow a figys, tesennow a rappys ha gwin hag oyl, oghen ha deves, rag yth esa lowena yn Ysrael.

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

2 Kroniklys 23:12

Pan glewas Athalia tros an bobel ow poenya hag ow kormel an myghtern, hi eth dhe'n bobel yn chi an Arloedh.

2 Kroniklys 23:14

Yehoyada an oferyas a dhannvonas yn-mes kaptenyon an kansow o settys war an lu, ow leverel dhedha, ‘Doro hi yn-mes ynter an renkow; pypynag a's hol yw dhe vos ledhys gans an kledha.’ Rag an oferyas a leveris, ‘Na's ladh yn chi an Arloedh.’

2 Kroniklys 34:31

An myghtern a sevis yn y dyller hag a wrug kevambos a-rag an Arloedh, dhe holya an Arloedh, ow kwitha y worhemmynnow, y vreusow, ha'y ordenansow, gans golonn leun ha gans oll y enev, dhe oberi geryow an kevambos o skrifys y'n lyver ma.

Salmow 14:5

Ena yth esens i yn own bras, rag yma Duw gans henedh an dus wiryon.

Lavarow Koth 11:10

Pan a hi yn ta gans an re wiryon, an sita a lowenha, ha pan a an debeles dhe vann yma garmow a lowender.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ezekiel 46:2

An pennsevik a dheu a-ji dre bortal an yet dhiworth an tu a-ves, ha sevel ryb post an yet. An oferysi a bareus y offrynn leskys ha'y offrynnow kres, hag ev a ombleg orth treudhow an yet. Ena ev a yn-mes, mes ny vydh an yet deges kyns an gorthugher.

Breusysi 7:8

Ev a dhannvonas oll an Ysraelysi ma dh'aga thyldow, mes ev a withas an tri hans, hag i a gemmeras sosten an bobel dhiworth aga diwla, ha'ga hirgern. Yth esa kamp an Midyanysi yn-danno y'n nans.