2 Kroniklys 22:9 - An Bibel Kernewek 20234 (Kernewek Kemmyn)

⁹ Ev a hwilas Ahazia hag i a'n synsys hag ev owth omgudha yn Samaria. I a'n dros dhe Yehu ha'y ladha. I a'n ynkleudhyas, rag i a leveris, ‘Ev yw mab-wynn Yehoshafat neb a hwilas an Arloedh a leun golonn.’ Ha nyns o nagonan yn chi Ahazia gans nerth lowr dhe rewlya an wlaskor.

2 Kroniklys 22:9 ပူးပေါင်းရင်းမြစ်များ

1 Myghternedh 13:21

Ev a grias erbynn wour Duw a dheuth a Yuda, ‘Yndellma y lever an Arloedh: drefenn ty dhe rebellya erbynn ger an Arloedh, ha ny withsys an gorhemmynn a worhemmynnis an Arloedh dha Dhuw dhis,

1 Myghternedh 14:13

Ysrael oll a gyn ragdho ha'y ynkleudhyas; rag a deylu Yeroboam ny vydh saw unnsel ev ynkleudhys yn ewn y'n bedh, drefenn ynno yw kevys neppyth plegadow dhe'n Arloedh, Duw Ysrael, yn chi Yeroboam.

2 Myghternedh 9:34

Pan dheuth ev a-ji ev a dhybris hag eva, ha leverel, ‘Kewgh, dyghtyewgh an venyn vollothek ma hag ynkleudhyewgh hi; drefenn hy bos myrgh myghtern.’

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 21:17

I a dheuth yn-bann erbynn Yuda, i a entras ynno, ha doen dhe-ves oll an pythow a gavsons yn chi an myghtern, war-barth gans y vebyon ha'y wragedh, bys ma nag o mab gesys dhodho marnas Yehoahaz, y yowynka mab.

2 Kroniklys 21:20

Ev a veu pymthek bloedh warn ugens pan dhallathas reynya; ev a reynyas eth blydhen yn Yerusalem. Ev a dremenas ha ny'n jevo nagonan edrek a'y dremena. I a'n ynkleudhyas yn sita Davydh, a-der yn bedhow an myghternedh.

2 Kroniklys 21:4

Wosa Yehoram dhe yskynna dhe dron y das ha bos fastys ynno, ev a ladhas oll y vreder gans an kledha, hag ynwedh re a bennsevigyon Ysrael.

2 Kroniklys 22:8

Pan esa Yehu ow kollenwel breus war ji Ahab, ev a vetyas gans pennsevigyon Yuda ha gans mebyon breder Ahazia esa ow servya Ahazia, hag ev a's ladhas.

2 Kroniklys 24:25

Pan gildennsons, i a asas Yoash fest goliys. Y wesyon a vrasas er y bynn rag goes mab Yehoyada an oferyas, hag i a'n ladhas war y weli. Yndella y ferwis; hag i a'n ynkleudhyas yn sita Davydh, mes ny'n ynkleudhsons yn bedhow an myghternedh.

2 Kroniklys 25:27

A'n termyn may treylyas Amasia dhiworth an Arloedh, i a wrug bras er y bynn yn Yerusalem, hag ev a fias dhe Lakish. Mes i a dhannvonas war y lergh dhe Lakish hag ena i a'n ladhas.

2 Kroniklys 33:24

Y wesyon a vrasas er y bynn ha'y ladha yn y ji.

Yeremia 29:13

Ha hwi a'm hwila, ha'm kavoes pan y'm hwilowgh a leun golonn.