2 Kroniklys 21:4 - An Bibel Kernewek 20234 (Kernewek Kemmyn)

⁴ Wosa Yehoram dhe yskynna dhe dron y das ha bos fastys ynno, ev a ladhas oll y vreder gans an kledha, hag ynwedh re a bennsevigyon Ysrael.

2 Kroniklys 21:4 ပူးပေါင်းရင်းမြစ်များ

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

1 Myghternedh 1:12

Lemmyn ytho deus, gas my dhe ri dhis kusul, may hylli sawya dha vewnans dha honan, ha bewnans dha vab Solomon.

2 Kroniklys 21:13

mes ty re gerdhas yn fordhow myghternedh Ysrael, ha ledya Yuda ha trigoryon Yerusalem dhe wordhyans idolys, par dell wrug chi Ahab; hag ynwedh drefenn ty dhe ladha dha vreder, eseli chi dha das, an re o gwell agesos ty dha honan;

2 Kroniklys 21:17

I a dheuth yn-bann erbynn Yuda, i a entras ynno, ha doen dhe-ves oll an pythow a gavsons yn chi an myghtern, war-barth gans y vebyon ha'y wragedh, bys ma nag o mab gesys dhodho marnas Yehoahaz, y yowynka mab.

2 Kroniklys 22:10

Pan wodhva Athalia, mamm Ahazia bos hy mab marow, hi a dhallathas distrui oll has ryel chi Yuda.

2 Kroniklys 22:8

Pan esa Yehu ow kollenwel breus war ji Ahab, ev a vetyas gans pennsevigyon Yuda ha gans mebyon breder Ahazia esa ow servya Ahazia, hag ev a's ladhas.

2 Kroniklys 25:3

Kettel veu an myghterneth fastys warnodho, ev a ladhas y wesyon re voldras y das, an myghtern.

1 Yowann 3:12

Nyns yw avel Kayn, esa a'n tebel el, hag a voldras y vroder. Ha prag y'n moldras? Drefenn bos y oberow y honan drog, ha bos re y vroder da.

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.