2 Kroniklys 21:16 - An Bibel Kernewek 20234 (Kernewek Kemmyn)

¹⁶ An Arloedh a wrug dhe sorr an Filistysi difuna erbynn Yehoram, ha sorr an Arabyon usi ogas dhe'n Ethiopysi.

2 Kroniklys 21:16 ပူးပေါင်းရင်းမြစ်များ

2 Samuel 24:1

Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

1 Myghternedh 11:11

Ytho an Arloedh a leveris dhe Solomon, ‘A-ban via henna dha vrys ha ny withsys ow hevambos na'm ordenansow a worhemmynnis dhis, my a derr an wlaskor a-dhiworthis ha'y ri dhe'th was.

1 Myghternedh 11:14

Ena an Arloedh a dhrehevis eskar erbynn Solomon, Hadad an Edomyas, a deylu ryel Edom.

1 Myghternedh 11:23

Duw a sevis eskar arall erbynn Solomon, Rezon mab Elyada, re fias dhiworth y arloedh, Hadadezer myghtern Soba.

2 Kroniklys 17:11

Re a'n Filistysi a dhros trubyt dhe Yehoshafat, ha shour a arghans; ha'n Arabyon ynwedh a dhros dhodho seyth kans hordh, ha seyth kans gaver gorow ha seyth mil.

2 Kroniklys 22:1

Trigoryon Yerusalem a wrug y yowynka mab Ahazia myghtern yn y le; rag an bagas a dheuth gans an Arabyon dhe'n kamp re ladhsa oll an kottha mebyon. Ytho Ahazia mab Yehoram myghtern Yuda a dhallathas reynya.

2 Kroniklys 26:7

Duw a'n gweresas erbynn an Filistysi, hag erbynn an Arabyon trigys yn Gur-baal, hag erbynn an Meunysi.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Yoel 3:5

Rag hwi re gemmeras ow arghans ha'm owr, ha doen ow thresoryow teg yn agas templow.

Amos 1:6

Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”