2 Kroniklys 21:10 - An Bibel Kernewek 20234 (Kernewek Kemmyn)

¹⁰ Yndella Edom re beu yn rebellyans erbynn Yuda bys y'n jydh hedhyw. Y'n prys na Libna a sevis ynwedh erbynn y rewl, drefenn ev dhe forsakya an Arloedh, Duw y dasow.

2 Kroniklys 21:10 ပူးပေါင်းရင်းမြစ်များ

1 Myghternedh 11:31

ha leverel dhe Yeroboam: Kemmer dhis deg darn; rag yndellma y lever an Arloedh, Duw Ysrael, ‘Otta, my a skward gwlaskor Ysrael a-dhiworth gavel Solomon, ha ri dhis deg loeth.

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

2 Myghternedh 19:8

An Rabshake a dhehwelis, ha klewes y hwrug myghtern Assyria omdenna dhiworth Lakish, hag yth esa ow patalyas orth Libna.

2 Kroniklys 13:10

Mes ni, an Arloedh yw agan Duw, ha ny'n gessyn. Ni a'gan beus oferysi a venyster dhe'n Arloedh, mebyon Aron, ha Levysi rag aga servya.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 21:11

Dres henna ev a wrug tylleryow ughel yn bro venydhyek Yuda, hag a ledyas trigoryon Yerusalem yn gordhyans idolys, hag a ledyas Yuda yn sowdhan.

2 Kroniklys 21:8

Yn y dhydhyow Edom a rebellyas erbynn Yuda hag a wrug myghtern ragdha aga honan.

2 Kroniklys 21:9

Yehoram a dreusis gans y gaslewydhyon hag oll y jarettow. Ev a dorras yn-mes nosweyth hag a omsettyas erbynn an Edomysi, re gylghsa a-dro dhodho ha'y jarettow ha'y gaslewydhyon.

2 Kroniklys 28:6

Pekagh mab Remalia a ladhas hwegh ugens mil yn Yuda a-ji dhe unn jydh, oll anedha kasoryon grev, drefenn i dhe forsakya an Arloedh, Duw aga thasow.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

Yoshua 10:29

Ena Yoshua a dremenas a Makkeda, hag oll Ysrael ganso, dhe Libna, hag omladh erbynn Libna.

Yoshua 21:13

Dhe vebyon Aron an oferyas i a ros Hebron, sita meneghi rag an ladher, gans hy feurva, ha Libna gans hy feurva,

Breusysi 10:13

Byttegyns hwi re'm gasas ha re servyas duwow erell, ytho ny'gas delivrav na fella.