2 Kroniklys 20:29 - An Bibel Kernewek 20234 (Kernewek Kemmyn)

²⁹ Own an Arloedh a dheuth war oll gwlaskordhow an tiryow pan glewsons an Arloedh dhe omladh erbynn eskerens Ysrael.

2 Kroniklys 20:29 ပူးပေါင်းရင်းမြစ်များ

Jenesis 35:5

Ena i eth yn-kerdh. Yth esa own Duw war an sitys a-dro dhedha, ha ny wrussons siwya mebyon Yakob.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

2 Kroniklys 14:13

Asa ha'n pobel ganso a's helghyas bys Gerar, ha'n Ethiopysi a goedhas bys ma nag o nebonan gesys yn few; rag aga bos brewys a-rag an Arloedh ha'y lu. I a dhug dhe-ves preydh meur.

2 Kroniklys 14:14

I a weskis oll an sitys yn kyrghynn Gerar, rag yth esa own an Arloedh warnedha. I a ravnas oll an sitys, rag yth esa meur a breydh ynna.

2 Kroniklys 17:10

Own an Arloedh a goedhas war oll gwlaskordhow an tiryow yn kyrghynn Yuda, ha ny vreselsons erbynn Yehoshafat

2 Kroniklys 20:28

I a dheuth dhe Yerusalem, gans telynnow ha gans sowtris ha gans hirgern, dhe ji an Arloedh.

Salmow 76:8

Ty a wrug dhe'th vreus bos klewys dhiworth nev; an nor a grenas, ha spavennhe,

Eksodus 14:14

An Arloedh a wra omladh ragowgh, ha hwi yn tawesek.’

Eksodus 14:25

ow taga rosow aga charettow, may fons poes dhe lewya. Ytho an Ejyptianys a leveris, ‘Fiyn a-dhiworth Ysrael; rag an Arloedh a omladh ragdha erbynn an Ejyptianys.’

Eksodus 23:27

My a wra dannvon ow euth a-ragos, ha gorra yn deray oll an dus may tewgh er aga fynn, ha my a wra dhe'th eskerens oll treylya keyn er dha bynn.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.