2 Kroniklys 20:28 - An Bibel Kernewek 20234 (Kernewek Kemmyn)

²⁸ I a dheuth dhe Yerusalem, gans telynnow ha gans sowtris ha gans hirgern, dhe ji an Arloedh.

2 Kroniklys 20:28 ပူးပေါင်းရင်းမြစ်များ

2 Samuel 6:5

Davydh hag oll chi Ysrael a lowenhas dherag an Arloedh gans oll aga nerth, gans kanow, ha sowtris, telynnow, tabourigow, sistrennow, ha gans symbalys.

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 25:6

Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

2 Kroniklys 20:27

Ena oll pobel Yuda ha Yerusalem a dhehwelis dhe Yerusalem, gans Yehoshafat orth aga fenn, gans lowender, rag an Arloedh re rosa dhedha lowena dres aga eskerens.

2 Kroniklys 20:29

Own an Arloedh a dheuth war oll gwlaskordhow an tiryow pan glewsons an Arloedh dhe omladh erbynn eskerens Ysrael.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 57:8

Difun, ow gordhyans; difunewgh, telynn ha sowtri; my a dhifun orth dydh-tardh.

Salmow 92:3

War dhaffar a dheg kordenn ha war an delynn, war an sowtri hweg y don.

Salmow 95:1

Dewgh, gwren ni kana yn lowen dhe'n Arloedh; gwren ni tros heudhik dhe garrek agan selwyans.