2 Kroniklys 20:24 - An Bibel Kernewek 20234 (Kernewek Kemmyn)

²⁴ Pan dheuth Yuda dhe'n pennoelva y'n gwylvos, i a viras war-tu ha'n routh; gyllys ens yn korfow a'ga growedh war an dor; ny dhienkas onan vytholl.

2 Kroniklys 20:24 ပူးပေါင်းရင်းမြစ်များ

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

1 Kroniklys 5:22

Lies a goedhas ledhys drefenn an vresel dhe vos a Dhuw. Hag yth esens trigys yn aga thiredh bys an divroedh.

2 Kroniklys 20:23

Rag mebyon Ammon ha Moab a omsettyas erbynn trigoryon menydh Seir, dh'aga diswul yn tien; ha wosa diswul trigoryon Seir, i eth yn-rag ow tistrui an eyl y gila.

2 Kroniklys 20:25

Pan dheuth Yehoshafat ha'y bobel dhe gemmeres an preydh, i a gavas chatel pals, shour a dhaffar, dillas, ha taklow drudh, hag i a's pyllas ragdha aga honan bys pan na's tevo degi moy. Tri dydh yth esens ow pylla an preydh, drefenn y balster.

Ezra 9:14

A wren ni terri arta dha worhemmynnow, ha gul demmedhyansow gans poblow an taklow kasadow ma? A ny vydhydh serrys genen dh'agan distrui, ma na vo naneyl remenant na skapya?

Salmow 110:6

Ev a vreus yn mysk an kenedhlow; ev a's lenow a gorfow marow, ha brewi kregyn yn lies bro.

Eksodus 14:28

An dowrow a dhehwelis ha kudha an charettow ha'n varghogyon hag oll lu Faro re's siwsa y'n mor; ny veu gesys nagonan anedha.

Eksodus 14:30

Yndella an Arloedh a dhelivras Ysrael an jydh na a dhorn an Ejyptianys; hag Ysrael a welas an Ejyptianys marow war lann an mor.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Yeremia 33:5

Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.