2 Kroniklys 20:22 - An Bibel Kernewek 20234 (Kernewek Kemmyn)

²² Pan dhallathsons kana ha gormel, an Arloedh a gontrewaytyas erbynn mebyon Ammon, Moab, ha menydh Seir, esens ow tos erbynn Yuda, hag i a veu fethys.

2 Kroniklys 20:22 ပူးပေါင်းရင်းမြစ်များ

2 Samuel 22:4

My a elow war an Arloedh, neb yw gwiw dhe vos gormelys, ytho my a vydh selwys a'm eskerens.

2 Myghternedh 6:17

Ena Elisha a bysis, ha leverel, ‘ARLOEDH, my a'th pys, igor y dhewlagas may hallo gweles.’ Ha'n Arloedh a igoras dewlagas an gour yowynk, hag ev a welas; leun o an menydh a vergh ha charettow a dan oll a-dro dhe Elisha.

2 Kroniklys 13:13

Yeroboam a dhannvonas kontrewaytyans a-dro dhe dhos warnedha a-dhelergh; yndella yth esa y lu a-rag Yuda, hag yth esa an kontrewaytyans a-dryv dhedha.

2 Kroniklys 13:15

Ena tus Yuda a grias garm an vatel. Pan armas gwer Yuda, Duw a fethas Yeroboam hag oll Ysrael a-rag Abia ha Yuda.

2 Kroniklys 20:10

Lemmyn, awotta mebyon Ammon, Moab, ha Menydh Seir! Ny essys dhe'n Ysraelysi dos yn aga thiredh pan dheuthons yn-mes a bow Ejyp; ytho i a dreylyas dhiworta heb aga diswul.

2 Kroniklys 21:8

Yn y dhydhyow Edom a rebellyas erbynn Yuda hag a wrug myghtern ragdha aga honan.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Salmow 18:4

Yth esa kerdyn ankow a-dro dhymm, ha frosow sherewynsi a wrug euth dhymm;

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ezekiel 38:21

My a elow ow kledha erbynn Gog yn oll ow menydhyow, yn-medh an Arloedh Duw; kledha pubonan a vydh erbynn y vroder.

Yoshua 6:16

An seythves gweyth, pan hwythas an oferysi an hirgern, Yoshua a leveris dhe'n lu, ‘Germewgh! rag an Arloedh re ros dhywgh an sita.

Breusysi 7:22

Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.

1 Samuel 14:16

Yth esa goelyadoryon Sowl yn Gibea a Benyamin ow mires; ha'n routh ow teudhi dhe-ves omma hag ena.

1 Samuel 14:20

Ena Sowl hag oll an bobel esa ganso a omguntellas hag i a dheuth dhe'n vatel; ha kledha pub gour o erbynn y gila, mayth esa deray pur vras.