2 Kroniklys 20:20 - An Bibel Kernewek 20234 (Kernewek Kemmyn)

²⁰ I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

2 Kroniklys 20:20 ပူးပေါင်းရင်းမြစ်များ

2 Samuel 14:2

Ytho Yoab a dhannvonas dhe Tekoa ha kyrghes alena benyn fur, ha leverel dhedhi, ‘My a'th pys, omwra kynores, ha gwisk yn dillas kynvann, ha na wra untya dha honan gans oyl, ha bydh avel benyn re beu ow kyni lies dydh rag den marow:

1 Kroniklys 4:5

Ashhur, tas Tekoa, a'n jevo diw wreg, Hela ha Naara.

2 Kroniklys 11:6

Ev a geras Bethlehem, Etam, Tekoa,

2 Kroniklys 20:19

Ena re a'n Levysi dhiworth an Kohathysi ha'n Koraghysi, a sevis yn-bann rag gormel an Arloedh, ha Duw Ysrael, gans lev fest ughel.

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Eksodus 14:31

Hag Ysrael a welas an ober meur a wrug an Arloedh erbynn an Ejyptianys, ha'n bobel a borthas own a'n Arloedh; hag i a grysis y'n Arloedh hag yn y was Moyses.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 7:9

Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Yeremia 38:20

Mes Yeremia a leveris, ‘Ny'th telivrons. Goslow, my a'th pys, orth lev an Arloedh a gowsav dhis, hag y fydh da genes, ha'th enev a vew.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Luk 16:31

Ev a leveris dhodho, “Mar ny woslowons orth Moyses ha'n brofoesi, namoy ny grysons mar sev nebonan dhiworth an re varow.” ’

Yowann 11:40

Yn-medh Yesu dhedhi, ‘A ny leveris dhis, mar krysses, ty a welsa golewder Duw?’

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.