2 Kroniklys 20:12 - An Bibel Kernewek 20234 (Kernewek Kemmyn)

¹² A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

2 Kroniklys 20:12 ပူးပေါင်းရင်းမြစ်များ

2 Samuel 14:11

Ena yn-medh hi, ‘My a'th pys, perthes an myghtern kov a'n Arloedh dha Dhuw, ma na allo dialoryon an goes ladha arta, ha ny dhistruons ow mab.’ Yn-medh ev, ‘Dell vew an Arloedh, ny goedh blewenn vyth a'th vab dhe'n dor.’

1 Myghternedh 1:20

Ha ty, ow arloedh an myghtern, yma lagasow oll Ysrael warnas, dhe leverel dhedha piw a esedh war dron ow arloedh an myghtern war y lergh.

2 Myghternedh 6:15

Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

2 Kroniklys 20:13

Yth esa oll Yuda ow sevel a-rag an Arloedh, gans aga fleghesigow, aga gwragedh, ha'ga mebyon.

Salmow 141:8

Mes ow dewlagas a vir orthis, A Arloedh Duw; ynnos jy y hwilav skovva, na as vy dhe vos heb ammol.

Salmow 25:15

Prest yma ow dewlagas war an Arloedh, hag ev a dhre ow threys yn-mes a'n roes.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 7:8

An Arloedh a vreus an poblow; breus vy, A Arloedh, herwydh ow ewnder, ha herwydh ow gwiryonsys usi ynnov.

Salmow 9:19

Sav, A Arloedh, na as den dhe dryghi; bedhes an kenedhlow breusys a-dheragos

Salmow 94:2

Sav, ty vreusyas an norvys; attal aga gober dhe'n re woethus.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Yoel 3:12

Gwres an kenedhlow difuna, ha dos yn-bann dhe nans Yehoshafat; rag my a esedh rag breusi oll an kenedhlow a-derdro.

Yona 2:4

Ha my a leveris, ‘Pellhes ov vy a-dhiworth dha dhewlagas: fatell wrav vy mires arta troha'th tempel sans?’

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Breusysi 11:27

Ny beghsyn er dha bynn, mes ty re wrug drog er ow fynn, ow kwerrya er ow fynn. An Arloedh, neb yw breusyas, a vreus hedhyw yntra mebyon Ysrael ha'n Ammonysi.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.