2 Kroniklys 2:16 - An Bibel Kernewek 20234 (Kernewek Kemmyn)

¹⁶ Ni a dregh py prennyer pynag a'th eus edhomm anedha a Lebanon, ha'ga dri dhis war skathow-kloes war an mor dhe Yoppa; ty a's deg yn-bann dhe Yerusalem.’

2 Kroniklys 2:16 ပူးပေါင်းရင်းမြစ်များ

1 Kroniklys 22:2

Davydh a erghis dhe'n alyons esa trigys yn pow Ysrael bos kuntellys war-barth, hag ev a settyas re anedha dhe vos treghoryon men dhe bareusi meyn rag drehevel chi Duw.

2 Kroniklys 30:25

Y lowenhas oll kuntelles Yuda, ha'n oferysi ha'n Levysi ha'n kuntelles a dheuth yn-mes a Ysrael, ha'n alyons a dheuth yn-mes a bow Ysrael, ha'n alyons trigys yn Yuda.

2 Kroniklys 8:7

Oll an dus o gesys a'n Hittysi, a'n Amorysi, a'n Perizzysi, a'n Hivysi, hag a'n Yebusysi, nag esens a Ysrael,

2 Kroniklys 8:8

a'ga diyskynnysi o hwath gesys y'n tir, an re na wrussa an Ysraelysi aga distrui, – an re ma Solomon a worras dhe lavur konstrynys, par dell yw an kas bys y'n jydh hedhyw.

Ezra 3:7

I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Yona 1:3

Mes Yona a sevis rag fia dhe Tarshish, dhiworth golok an Arloedh. Ev eth yn-nans dhe Yoppa, ha kavoes gorhel ow mos dhe Tarshish. Ytho ev a ros an pris ha mos a-bervedh ynno, mayth ella gansa dhe Tarshish, a-dhiworth golok an Arloedh.

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Oberow 10:32

Dannvon, ytho, dhe Yoppa ha dannvon war-lergh Simon henwys Peder; ymava owth ostya yn chi Simon, dyghtyer kreghyn, ryb an mor.”

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Oberow 9:38

Lemmyn rag bos Lydda ogas dhe Yoppa, an dhyskyblon a glewas bos Peder ena ha dannvon dew wour dhodho, ow pysi, ‘Heb strechya, deus dhyn ni.’

Oberow 9:42

Hag y teuth ha bos godhvedhys dres oll Yoppa, ha lies a grysis y'n Arloedh.

Oberow 9:43

Hag y hwarva ev dhe wortos yn Yoppa lies dydh gans unn Simon, dyghtyer kreghyn.

Yoshua 19:46

Me-yarkon, ha Rakkon orth an or a-dal Yoppa.

Yoshua 9:27

Mes y'n jydh na Yoshua a's settyas dhe vos treghysi keunys ha tennoryon dowr rag an kuntelles ha rag alter an Arloedh, bys y'n jydh ma, y'n tyller a dhewisas.