2 Kroniklys 19:7 - An Bibel Kernewek 20234 (Kernewek Kemmyn)

⁷ Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

2 Kroniklys 19:7 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 13:10

Ev a wra agas keredhi yn sur mar tiskwedhowgh faverans yn-dann gel.

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Job 8:3

A gammdreyl Duw gwirvreus? Po a gammdreyl an Ollgalloesek an gwir?

Salmow 82:2

‘Pygemmys prys y freusowgh yn kamm, ow plegya dhe'n debeles? Sela.

Eksodus 23:8

Ha ny wredh kemmeres falswober, rag falswober a dhall an re a wel, hag a gammdreyl geryow an re wiryon.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Romanyon 2:11

Rag nyns eus faverans gans Duw.

Romanyon 9:14

Pandr'a leveryn ytho? Eus kammhynseth gans Duw? Bynner re bo!

Galatianys 2:6

Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Efesianys 6:9

Ha'n vestrysi, gwrewgh hwi an keth tra dhedha heb godros, ow kodhvos bos an Arloedh anedha i hag ahanowgh hwi yn nev, ha nyns eus faverans ganso.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Kolossianys 3:25

Rag neb a wra kamm a wra degemmeres kessydhyans an pyth a wrug ev kamm, ha nyns eus faverans.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Samuel 11:7

Ev a gemmeras yew a oghen, ha'ga threghi yn temmyn ha'ga dannvon der oll pow Ysrael dre leuv kannasow, ow leverel, ‘Piwpynag na dheffo yn-rag wosa Sowl ha Samuel, yndella y fydh gwrys dh'y oghen ev!’ Ena own an Arloedh a goedhas war an bobel, hag i a dheuth yn-mes kepar hag unn gour.