2 Kroniklys 19:6 - An Bibel Kernewek 20234 (Kernewek Kemmyn)

⁶ hag a leveris dhe'n vreusysi, ‘Prederewgh a'n pyth a wrewgh, rag ny vreusowgh a-barth mab-den mes a-barth an Arloedh; yma ev genowgh ow ri breus,

2 Kroniklys 19:6 ပူးပေါင်းရင်းမြစ်များ

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

Oberow 22:26

Pan glewas henna an penn-kangour eth dhe'n tribun ha leverel, ‘Pandr'a vynnydh dhe wul? Rag an gour ma yw burjes romanek.’

Oberow 5:35

hag yn-medh ev dhedha, ‘Gwer Ysrael, kemmerewgh with a'gas honan a-dro dhe'n pyth a vynnowgh dhe wul gans an dus ma.

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’

Yoshua 22:5

Mes gwaytyewgh gwitha gans rach an gorhemmynn ha'n lagha a worhemmynnis Moyses gwas an Arloedh dhywgh: kara an Arloedh agas Duw, kerdhes yn oll y fordhow, gwitha y worhemmynnow, ha glena dhodho, ha'y servya gans oll agas kolonn hag gans oll agas enev.’