2 Kroniklys 19:11 - An Bibel Kernewek 20234 (Kernewek Kemmyn)

¹¹ Amaria an arghoferyas, yma ev warnowgh yn oll an traow a doch an Arloedh; ha Zebadia mab Yshmael, pennsevik chi Yuda, yn oll antraow a doch an myghtern; ha'n Levysi yw agas soedhogyon. Bedhewgh krev ha hardh, ha re bo an Arloedh gans an re 'vas!’

2 Kroniklys 19:11 ပူးပေါင်းရင်းမြစ်များ

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

1 Kroniklys 22:16

yn owr, arghans, brons ha horn, na yllir aga nivera. Sav yn-bann ha dalleth an ober ha re bo an Arloedh genes.’

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

1 Kroniklys 26:30

A'n Hebronysi: Hashabia ha'y vreder, mil seyth kans a wer a alloes, apoyntys rag menystrans Ysrael a'n howlsedhes dhe'n Yordan, rag oll ober an Arloedh ha rag servis an myghtern.

1 Kroniklys 26:32

Myghtern Davydh a'n apoyntyas ev ha'y vreder, dew vil seyth kans gour a alloes, pennow teyluyow, dhe worweles an Rewbenysi, an Gadysi ha hanter-loeth Manasse rag pup-tra ow pertaynya dhe Dhuw ha ha'n myghtern.

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

1 Kroniklys 6:11

Azaria a dhineythis Amaria, Amaria a dhineythis Ahitub,

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 15:7

Mes hwi, bedhewgh krev, ha na esewgh dh'agas diwla bos lows; rag y fydh pewas a'gas ober.’

2 Kroniklys 19:6

hag a leveris dhe'n vreusysi, ‘Prederewgh a'n pyth a wrewgh, rag ny vreusowgh a-barth mab-den mes a-barth an Arloedh; yma ev genowgh ow ri breus,

2 Kroniklys 19:8

Yn Yerusalem ynwedh Yehoshafat a apoyntyas re a'n Levysi ha'n oferysi ha pennow teyluyow Ysrael dhe ri breus an Arloedh, ha dhe vos maynoryon yn dadhlow rag an re trigys yn Yerusalem.

Ezra 7:5

mab Abishua, mab Finehas, mab Eleazar, mab Aron an pennoferyas:

Salmow 112:5

Dremas yw grassyes hag ev a re kendon; ev a dhyght y negysyow gans breus.

Salmow 37:23

Kammow gour yw fastys gans an Arloedh, hag ev a gemmer plesour yn y fordh.

Lavarow Koth 2:20

Rakhenna ty a gerdh yn fordh an dus vas, ha holya hynsyow tus wiryon.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Luk 23:50

Hag otta, yth esa gour henwys Yosep, esel a'n konsel, gour da ha gwiryon;

Oberow 11:24

rag gour da o, leun a'n Spyrys Sans hag a fydh. Ha niver meur a dus a veu keworrys dhe'n Arloedh.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

2 Timothi 2:1

Ty, ow flogh, bydh nerthek gans y'n gras usi yn Krist Yesu;

Yoshua 1:6

Bydh krev ha bydh kolonnek; rag ty re wrug dhe'n bobel ma erita an tir a des dh'aga thasow y ri dhedha.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’