2 Kroniklys 19:10 - An Bibel Kernewek 20234 (Kernewek Kemmyn)

¹⁰ Yn pub ken a dheu a-ragowgh dhiworth agas breder trigys yn aga sitys, yn skoellya goes, po treuspassow erell erbynn an lagha, an gorhemmynnow, an ordenansow, po an rewlys, ena hwi a's gwarn, rag na vons kablus dre begha erbynn an Arloedh, ha rag na dheffo konnar warnowgh ha war agas breder. Mar kwrewgh yndella, ny vydhowgh kablus.

2 Kroniklys 19:10 ပူးပေါင်းရင်းမြစ်များ

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

2 Kroniklys 19:9

Ev a worhemmynnis dhedha: ‘Hwi a wra hemma yn own an Arloedh, yn lelder hag a leun golonn.

Eksodus 18:16

pan vydh kedrynn dhedha, y tons dhymm ha my a vreus yntra den ha'y gentrevek, ha my a wra dhedha aswonn ordenansow Duw ha'y laghys.’

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Niverow 16:46

Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Niverow 17:11

Moyses a wrug kepar dell worhemmynnsa an Arloedh dhodho; yndella ev a wrug.

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

Dewteronomi 21:5

Ha'n oferysi, mebyon Levi, a nes; rag an Arloedh dha Dhuw a wrug aga dewis dh'y servya ha dhe venniga yn hanow an Arloedh; ha gansa y fydh breusys pub kedrynn ha pub strekys.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.