2 Kroniklys 18:9 - An Bibel Kernewek 20234 (Kernewek Kemmyn)

⁹ Yth esa myghtern Ysrael ha myghtern Yehoshafat a'ga esedh war aga thronys, gwiskys yn aga goenyow, orth an leur-drushya ryb entrans yet Samaria; hag yth esa oll an profoesi ow profoesa a-ragdha.

2 Kroniklys 18:9 ပူးပေါင်းရင်းမြစ်များ

2 Kroniklys 18:10

Sedekia mab Kenaana a wrug ragdho y honan kern a horn, hag ev a leveris, ‘Yndella y lever an Arloedh, Gans an re ma ty a wan Aram bys may fons diswrys.’

2 Kroniklys 18:29

Myghtern Ysrael a leveris dhe Yehoshafat, ‘My a doellwisk ow honan ha mos dhe'n vatel, mes ty, omwisk y'th woenyow.’ Yndella myghtern Ysrael a doellwiskas y honan, hag yth ethons i dhe'n vatel.

2 Kroniklys 18:8

Ena myghtern Ysrael a elwis soedhek hag a leveris, ‘Doro dihwans Mikaya mab Imla.’

Ysay 14:9

Ifarn a-woeles yw amovys ragos, dhe'th vetya pan dheudh; ev a dhifun spyrysyon an re varow ragos oll myns a veu ledyoryon an norvys; ev a dhrehav dhiworth aga thronys oll myghternedh an kenedhlow.

Ezekiel 26:16

Ena oll pennsevigyon an mor a dhiyskynn dhiworth aga thronys ha gorra dhe denewen aga fowsyow, ha diwiska aga dillas brosys. I a omwisk gans krena, hag esedha war an dor; i a gren heb hedhi, hag i a gemmer skruth orthis.

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Matthew 11:8

Mes pandra ethewgh yn-mes dh'y weles? Den gwiskys yn dillas medhel? Otta, tus gwiskys yn dillas medhel, yn chiow myghternedh ymons.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 6:29

mes yn-medhav dhywgh, nyns o Solomon yn oll y splannder gwiskys kepar hag onan a'n re ma.

Ruth 4:1

Boaz eth yn-bann dhe'n yet hag esedha ena, hag otta, yth esa an neskar ow tremena, may hwrussa Boaz kewsel anodho, hag yn-medh Boaz, ‘Deus omma hag esedh omma, ty gothman’, hag ev a dreylyas a-denewen hag esedha.