2 Kroniklys 18:4 - An Bibel Kernewek 20234 (Kernewek Kemmyn)

⁴ Mes Yehoshafat a leveris ynwedh dhe vyghtern Ysrael, ‘Hwila yn kynsa ger an Arloedh.’

2 Kroniklys 18:4 ပူးပေါင်းရင်းမြစ်များ

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

2 Kroniklys 18:3

Ahab myghtern Ysrael a leveris dhe Yehoshafat myghtern Yuda, ‘A vynnydh mos genev dhe Ramoth-gilead?’ Ev a wovynnas dhodho, ‘Yth esov genes, ow fobel yw dha bobel. Ni a vydh genes y'n vresel.’

2 Kroniklys 18:5

Ena myghtern Ysrael a guntellas an brofoesi war-barth, peswar kans anedha hag a leveris dhedha, ‘A wren ni mos dhe vatalyas orth Ramoth-gilead, po a skonyav a wul yndella?’ I a worthybis, ‘Ke yn-bann; rag Duw a's re yn leuv an myghtern.’

2 Kroniklys 34:26

Mes a-dro dhe vyghtern Yuda neb a'gas dannvonas rag hwilas orth an Arloedh, yndellma y leverowgh dhodho: Yndellma y lever an Arloedh, Duw Ysrael: A-dro dhe'n geryow re glewsys,

Salmow 27:4

Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Ezekiel 20:3

Mab-den, kows dhe henavogyon Ysrael, ha lavar dhedha, Yndellma y lever an Arloedh Duw: Yw rag hwilas kusul ahanav y teuthewgh? Dell vewav, ny vynnav kusul dhe vos hwilys genowgh hwi, yn-medh an Arloedh Duw.

1 Samuel 23:2

Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’